"پارتيالار اكىمنىڭ ەمەس، بيلىكتىڭ ق ۇلى بولۋعا ءتيىس" مۇنداي مالىمدەمەنى "اق جول" پارتياسىنىڭ ءتوراعاسى ازات پەرۋاشيەۆ اقتوبەدە وتكەن كونفەرەنسيادا ايتتى.
كونفەرەنسيا بارىسىندا پەرۋاشيەۆ پارتيا باعدارلاماسىنىڭ نەگىزگى باعىتتارىنىڭ جوباسىن تانىستىرىپ، باعدارلاماعا بيلىك مونوپولياسىن وزگەرتۋگە، پارلامەنتتىك رەسپۋبليكا ينستيتۋتتارىن ەنگىزۋگە ەرەكشە كوڭىل بولىنگەنىن ايتتى.
سونداي-اق ازات پەرۋاشيەۆ جيىندا NurOtan پارتياسىنىڭ بارلىق فيليالدارىن اكىمدەردىڭ باسقارۋى دۇرىس ەمەستىگىن اتاپ ءوتتى.
– ايماقتىڭ باسشىسى شەنەۋنىكتەردىڭ تار مۇددەسىنە ەمەس، بارلىق ازاماتتارعا قىزمەت ەتۋگە ءتيىس. ءيا، NurOtan پارتياسىنىڭ ميلليون مۇشەسى بار دەيدى. ءبىراق ەلىمىزدىڭ حالقى – 19 ميلليون ەمەس پە! ەگەر اكىمدەر وزدەرىنىكىن عانا قولداي بەرسە، قالعان 18 ميلليون كىمگە ءۇمىت ارتادى؟ مۇنداي تاجىريبەدەن باس تارتۋ كەرەك، مۇمكىن اكىمدەرگە بيلىك پارتياسىنىڭ فيليالدارىن باسقارۋعا تىيىم سالعان ءجون. اكىمدەر بيلىكتىڭ ەمەس، حالىقتىڭ ق ۇلى بولسىن، – دەدى پەرۋاشيەۆ.
پىكىر قالدىرۋ