پرەزيدەنت قاسىم-جومارت توقايەۆ ءتارتىپ ساقشىلارىنىڭ ەڭبەكاقىسىن كوتەرۋدى تاپسىردى. بۇل تۋرالى اقوردا سايتى مالىمدەدى.
رەسمي سايتتىڭ حابارلاۋىنشا، مەملەكەت باسشىسى پوليسيا قىزمەتكەرلەرىن جان-جاقتى الەۋمەتتىك قولداۋ نەگىزگى مىندەتتەردىڭ ءبىرى ەكەنىن جەتكىزگەن.
"ءتارتىپ ساقشىلارىنا باسپانا جالداۋعا وتەماقى رەتىندە 15 ملرد تەڭگەدەن استام قارجى بولىنەدى. كەلەر جىلدىڭ 1 قاڭتارىنان باستاپ وسى ماقساتتارعا قوسىمشا 10 ميلليارد تەڭگە بولىنەدى. بۇل شارا اياسىندا كەزەكشى ءبولىمنىڭ قىزمەتكەرلەرى، قاراۋىل قىزمەتى، ارنايى كۇزەت ۇيىمدارى، ۆەدومستۆولىق وقۋ مەكەمەلەرى جانە قىلمىستىق-اتقارۋ جۇيەسىنىڭ قىزمەتكەرلەرى قامتىلىپ، جالپى 8 مىڭ ادامعا قولداۋ كورسەتىلەدى" دەلىنگەن حابارلامادا.
توقايەۆ ىشكى ىستەر سالاسى قىزمەتكەرلەرىنىڭ ەڭبەكاقىسى تومەن ەكەنىن اتاپ ايتىپ، ۇكىمەتكە 3 جىلدىڭ ىشىندە ءتارتىپ ساقشىلارىنىڭ ەڭبەكاقىسىن 30 پايىزعا كوتەرۋ تۋرالى تاپسىرما بەردى
وقي وتىرىڭىز: "جول بەرۋگە بولمايدى". توقايەۆ ءبىرقاتار ماسەلەلەردى ايتتى
پىكىر قالدىرۋ