مەملەكەت باسشىسى قاسىم-جومارت توقايەۆ ىشكى ىستەر مينيسترلىگىنىڭ كەڭەيتىلگەن القا ماجىلىسىندە قىلمىستىڭ ورشۋىنە جانە تۇرمە «ءتارتىبىنىڭ» تارالۋىنا مۇلدە جول بەرمەۋ قاجەتتىگىن ەسكەرتتى. بۇل تۋرالى اقوردا سايتى مالىمدەدى.
– ەلدەگى كۇردەلى الەۋمەتتىك-ەكونوميكالىق جاعدايدا قىلمىستىڭ ورشۋىنە جانە تۇرمە "ءتارتىبىنىڭ" تارالۋىنا مۇلدە جول بەرۋگە بولمايدى. ونداعى جاعدايدىڭ اسا ءماز ەمەس ەكەنى ءمالىم. باس بوستاندىعىنان ايىرماي جازالاۋعا قاتىستى تۇيتكىلدەر بار. مينيسترلىك قىلمىستىق-اتقارۋ جۇيەسىندەگى ماسەلەلەردى شەشۋ بويىنشا ناتيجەلى جۇمىستار كورسەتۋى كەرەك، – دەدى ول.
پرەزيدەنت تاۋەلسىزدىكتىڭ 30 جىلدىعىنا وراي، زاڭعا سايكەس، ازاماتتارعا جانە جالپى مەملەكەتكە ءقاۋىپ كەلتىرمەيتىن قىلمىس جاساعان ادامدارعا امنيستيا جاسالاتىنىن جەتكىزدى.
سونداي-اق توقايەۆ ۇكىمەتكە ەلوردالىق پوليسيا دەپارتامەنتىنە جاڭا عيمارات سالۋ ماسەلەسىن تاپسىردى.
پىكىر قالدىرۋ