تۇركيانىڭ باتىسىندا بولعان جەر سىلكىنىسى سالدارىنان 24 ادام قازا تاۋىپ، 804 ادام جاراقات الدى، ونىڭ 743ء-ى يزميردە، بەسەۋى مانيستە، ەكەۋى بالىكەسيردە جانە 54ء-ى ايدىندا. بۇل تۋرالى news-turk.ru حابارلادى.
قۇتقارۋشىلاردىڭ ايتۋىنشا، زارداپ شەككەندەردىڭ ءبىرى سۋعا باتىپ كەتكەن. يزميردەگى قيراعان 17 عيماراتتىڭ تورتەۋىندە ىزدەۋ-قۇتقارۋ جۇمىستارى اياقتالدى.
6،6 باللدىق جەر سىلكىنىسى 30 قازاندا جۇما كۇنى ەگەي تەڭىزىندەگى سەفەريحيسار ايماعىنا جاقىن جەردە بولعان. جەر سىلكىنىسىنىڭ ەپيسەنترى 16،54 كم تەرەڭدىكتە جاتتى. جەر سىلكىنىسىنەن كەيىن 296 جەر استى دۇمپۋلەرى تىركەلدى، ونىڭ 27ء-سى 4 باللدان كۇشتى بولدى.
جەر استى دۇمپۋلەرىنىڭ سالدارىنان ونداعان عيمارات زارداپ شەككەن. ىزدەۋ-قۇتقارۋ جۇمىستارىنا 4 مىڭعا جۋىق توتەنشە جاعداي قىزمەتكەرى جۇمىلدىرىلعان.
پىكىر قالدىرۋ