جەلىلەردە ەكس-مينيستر ءبىرتانوۆتىڭ قاماۋعا الىنعانى تۋرالى اقپارات پايدا بولدى. بۇل تۋرالى tengrinews.kz حابارلادى.
اقپارات انىقتامالىق قۇجاتتىڭ سۋرەتى تۇرىندە بىرنەشە Telegram كانالدارىندا پايدا بولعان. كەيىن ءبىرقاتار اقپارات قۇرالدارى سول دەرەككوزدەرىنە سىلتەمە جاساپ، ەكس-دەنساۋلىق ساقتاۋ ءمينيسترىنىڭ قاماۋعا الىنعانىن دا جاريالاپ ۇلگەرىپتى.
ال رەسمي ورگانداردان تۇسىنىكتەمە سۇراعاندا، ءبىرتانوۆتىڭ قاماۋعا الىنعانى تۋرالى اقپارات راستالماعان، ءبىراق بۇل اقپاراتتى جوققا دا شىعارمادى.
كەيىن قارجى مينيسترلىگىنىڭ قارجى مونيتورينگى كوميتەتى ءبىرتانوۆتىڭ ۇستالعاندىعى تۋرالى اقپاراتقا تۇسىنىكتەمە بەردى.
– قازاقستان رەسپۋبليكاسىنىڭ بۇرىنعى دەنساۋلىق ساقتاۋ مينيسترىنە قاتىستى تەرگەۋ ارەكەتتەرى تۋرالى اقپارات قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىنىڭ 201-بابىنا سايكەس جاريالاۋعا بولمايدى، – دەپ حابارلادى ۆەدومستۆو.
ەسكە سالايىق، بيىل 25 ماۋسىمدا ەلجان ءبىرتانوۆ كوروناۆيرۋستى جۇقتىرۋىنا بايلانىستى، قازاقستان پرەزيدەنتىنىڭ جارلىعىنا سايكەس، دەنساۋلىق ساقتاۋ ءمينيسترى قىزمەتىنەن بوساتىلعان ەدى. سودان بەرى وسى ۋاقىتقا دەيىن دەنساۋلىق ساقتاۋ مينيسترلىگىنىڭ جاڭا باسشىسى قىزمەتىن الەكسەي سوي باسقارىپ كەلەدى.
پىكىر قالدىرۋ