«Nur Otan» ءماسليحاتتار مەن ماجىلىسكە پارتيالىق تىزىمدەردى انىقتايتىن كونفەرەنسيالار وتكىزۋ جونىندەگى نۇسقاۋلىقتى ازىرلەدى.
«Nur Otan» پارتياسىنىڭ ورتالىق اپپاراتى پارتيا فيليالدارى كونفەرەنسيالارىنىڭ ءاربىر كەزەڭىن رەگلامەنتتەيتىن نۇسقاۋلىقتى بەكىتتى، ونىڭ بارىسىندا بارلىق دەڭگەيدەگى ءماسليحاتتارعا پارتيالىق تىزىمدەر جانە ماجىلىسكە پارتيالىق تىزىمگە ءار وڭىردەن كانديداتتار انىقتالاتىن بولادى.
سونىمەن، پارتياىشىلىك ىرىكتەۋ – پرايمەريزدىڭ ەكىنشى دەڭگەيى اياسىندا كانديداتتاردى كونفەرەنسيالاردا پىكىرسايىستار كۇتۋدە.
ماجىلىسكە ۇمىتكەرلەر، رەسپۋبليكالىق ماڭىزى بار قالالاردى قوسپاعاندا، ەكى رەت – اۋداندىق جانە وبلىستىق كونفەرەنسيالاردا پىكىرسايىسقا تۇسەدى.
پارلامەنتتىڭ تومەنگى پالاتاسىنىڭ قىزمەتتەگى دەپۋتاتتارى بىردەن وبلىستىق سونداي-اق رەسپۋبليكالىق ماڭىزى بار قالالار كونفەرەنسيالارىنداعى پىكىرسايىستارعا قاتىسا الادى.
پارتيانىڭ nurotan.kz رەسمي سايتىندا جانە primaries.kz سايتىندا جاريالانعان نۇسقاۋلىققا سايكەس كوروناۆيرۋس پاندەمياسىن ەسكەرە وتىرىپ، اۋداندىق، قالالىق جانە ايماقتىق پارتيالىق كونفەرەنسيالار الەۋمەتتىك اراقاشىقتىق قامتاماسىز ەتىلگەن ءۇي-جايلاردا، سونداي-اق بارلىق سانيتارلىق-ەپيدەميولوگيالىق نورمالار ساقتالا وتىرىپ وتكىزىلۋى كەرەك.
نۇسقاۋلىققا سايكەس اۋماقتىق پارتيا كونفەرەنسياسىنا دەلەگاتتاردى باستاۋىش پارتيا ۇيىمىنىڭ جينالىسى سايلايدى. پرايمەريزگە قاتىسقان كانديداتتار جانە ولاردىڭ سەنىمدى وكىلدەرى كونفەرەنسياعا دەلەگات رەتىندە سايلانبايدى.
ەڭ جوعارى رەيتينگكە يە بولعان كانديداتتار اراسىنان اۋماقتىق پارتيا كونفەرەنسياسىنا پىكىرسايىسقا قاتىسۋشىلاردىڭ ءتىزىمىن فيليالدىڭ ساياسي كەڭەسىنىڭ بيۋروسى بەكىتەدى.
كونفەرەنسيالاردا داۋىس بەرۋ «پرايمەريز» اقپاراتتىق جۇيەسىندە وتكىزىلەتىن پىكىرسايىستاردىڭ قورىتىندىلارى بويىنشا داۋىس بەرۋدى قوسپاعاندا، دەلەگاتتىڭ قول نەمەسە مانداتىن كوتەرۋى ارقىلى وتكىزىلەدى.
اشىقتىقتى قامتاماسىز ەتۋ ءۇشىن بارلىق پىكىرسايىس الەۋمەتتىك جەلىلەردە تىكەلەي ەفيردە كورسەتىلەتىنىن اتاپ وتكەن ءجون.
پىكىرسايىس قورىتىندىسى بويىنشا ەڭ كوپ داۋىس جيناعان كانديدات ءماجىلىستىڭ پارتيالىق تىزىمىنە پىكىرسايىسقا قاتىسۋشى رەتىندە وبلىستىق كونفەرەنسياعا ۇسىنىلادى. ءاربىر اۋدان، قالا ءماجىلىستىڭ پارتيالىق تىزىمىنە پىكىرسايىسقا ءبىر قاتىسۋشىنى ۇسىنادى. وبلىس ورتالىعى ءماجىلىستىڭ پارتيالىق تىزىمىندەگى ءوڭىردىڭ وكىلدىك كۆوتاسىنا تەڭ ساندا پىكىرسايىسقا قاتىسۋشىلاردى ۇسىنادى.
وبلىستىق ءماسليحاتتارعا پارتيالىق تىزىمدەر ءتيىستى كونفەرەنسيالاردا بەكىتىلەتىن بولسا، ال ماجىلىسكە قورىتىندى ءتىزىم «Nur Otan» سەزىندە بەكىتىلەدى.
ەسكە سالا كەتەيىك، پرايمەريز – ەلباسى، «Nur Otan» پارتياسىنىڭ ليدەرى نۇرسۇلتان نازاربايەۆتىڭ باستاماسىمەن قولعا الىنعان «سەنىم. ديالوگ. بولاشاققا نىق قادام» پارتيانى «قايتا جانداندىرۋ» باعدارلاماسىنىڭ قورىتىندى كەزەڭدەرىنىڭ ءبىرى.
پرايمەريزگە 10 مىڭعا جۋىق كانديدات قاتىستى. ولاردىڭ 37%ء-تى – ايەلدەر، 29%ء-تى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 30%ء-ى ۇسىنىلسا، ال 70%ء-ى - ءوزىن-وزى ۇسىنۋشىلار. كانديداتتاردىڭ ورتاشا جاسى – 43 جاس. بۇل رەتتە پارتياىشىلىك سايلاۋدىڭ ءبىرىنشى دەڭگەيىندەگى داۋىس بەرۋگە 662 687 پارتيالىق قاتىستى.
پىكىر قالدىرۋ