بۇگىن تۇركيانىڭ توتەنشە جاعدايلار باسقارماسى يزمير پروۆينسياسىنداعى جەر سىلكىنىسى قۇرباندارىنىڭ سانى 79 ادامعا جەتكەنىن مالىمدەدى. بۇل تۋرالى tass.ru سايتى حابارلادى.
"ءبىزدىڭ 79 ازاماتىمىز قازا تاپتى. 962 ادام جاراقات الىپ، ونىڭ 743ء-ى اۋرۋحانادان شىعارىلدى. قازىرگى ۋاقىتتا 219 ادام قاجەتتى ەم الىپ جاتىر" دەلىنگەن ۆەدومستۆو تاراتقان حابارلامادا.
30 قازان كۇنى يزمير پروۆينسياسى سەفەرحيسار اۋدانىنداعى ەگەي تەڭىزىنىڭ جاعالاۋىندا 16،5 شاقىرىم تەرەڭدىكتە جەرگىلىكتى ۋاقىتپەن 14.51-دە جەراستى ءدۇمپۋى باستالعان. كەشە توتەنشە جاعدايلار باسقارماسى 76 ادامنىڭ قايتىس بولعانىن حابارلاعان.
جەر سىلكىنىسى سالدارىنان يزميردە، كەم دەگەندە 20 ءۇي قۇلاعان. گرەكيانىڭ نيون-كارلوۆاسي قالاسىندا دا قيراعان ۇيلەر بارى انىقتالعان. تۇركيانىڭ ەكولوگيا جانە قالا قۇرىلىسى ءمينيسترى مۇرات كۋرۋم تۇركيا بيلىگى جەكسەنبىدە زارداپ شەككەندەرگە ماتەريالدىق كومەك تولەي باستاعانىن ايتتى.
پىكىر قالدىرۋ