دۇنيەجۇزىلىك دەنساۋلىق ساقتاۋ ۇيىمىنىڭ باسشىسى كارانتينگە الىندى. بۇل تۋرالى بريتانيالىق The Guardian باسىلىمى حابارلادى.
ەۋروپادا كوروناۆيرۋس تەز تارالا باستاعان كەزدە دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەسيەسۋس جەكسەنبىگە قاراعان ءتۇنى Twitter ارقىلى حابارلاما جاسادى. ول ءوزىن وقشاۋلاعانىن مالىمدەدى، ءبىراق وزىندە ەشقانداي اۋرۋ بەلگىلەرى جوق ەكەنىن باسا ايتتى.
"مەن COVID-19-عا وڭ ناتيجە بەرگەن اداممەن جاقىن بايلانىستا بولعان ادام دەپ تانىلدىم... مەن ءوزىمدى جاقسى سەزىنەمىن، ءبىراق جاقىن كۇندەرى @WHO حاتتامالارىنا سايكەس وزىمە كارانتين جاريالاپ، ۇيدە جۇمىس ىستەيمىن" دەدى تەدروس تۆيتتەرىندە.
دجون حوپكينس ۋنيۆەرسيتەتىنىڭ مالىمەتتەرى بويىنشا كوروناۆيرۋس قىتايدا وتكەن جىلدىڭ اياعىندا پايدا بولعاننان بەرى 1،2 ميلليون ادامنىڭ ءومىرىن جالماعان جانە الەمدە 46 ميلليوننان استام ادام ۆيرۋستى جۇقتىرعان.
پىكىر قالدىرۋ