«Nur Otan» پارتياسى وڭىرلىك فيليالدارىندا وتەتىن كونفەرەنسيالاردىڭ كەستەسىن جاريالادى. ونىڭ بارىسىندا بارلىق دەڭگەيدەگى ءماسليحاتتارعا پارتيالىق تىزىمدەر جانە ءار وڭىردەن ماجىلىسكە پارتيالىق تىزىمگە كانديداتتار انىقتالاتىن بولادى.
سونىمەن، كونفەرەنسيا 10 قاراشادا – شىمكەنت قالاسىندا، 11 قاراشادا – الماتى قالاسىندا، 12 قاراشادا – نۇر-سۇلتان قالاسىندا وتەدى. الماتى، قاراعاندى جانە قىزىلوردا وبلىستارىندا – 16 قاراشادا، ال اقمولا، شىعىس قازاقستان، جامبىل، باتىس قازاقستان، تۇركىستان، اتىراۋ، قوستاناي، ماڭعىستاۋ، پاۆلودار جانە سولتۇستىك قازاقستان وبلىستارىندا – 17 قاراشادا وتپەك.
پارتيانىڭ باسپا ءسوز قىزمەتى حابارلاعانداي، پاندەميا جاعدايىنا بايلانىستى پارتيالىق كونفەرەنسيالار بارلىق سانيتارلىق-ەپيدەميولوگيالىق تالاپتاردى ساقتاي وتىرىپ ۇيىمداستىرىلادى. بۇل رەتتە پارتيانىڭ رەسمي اككاۋنتتارىندا بارلىق وڭىرلىك كونفەرەنسيالاردىڭ ونلاين-كورسەتىلىمى قامتاماسىز ەتىلەدى.
كونفەرەنسيالاردا شەشىم قاتىسۋشى دەلەگاتتاردىڭ كوپشىلىك داۋىسىمەن قابىلدانادى. داۋىس بەرۋ «پرايمەريز» اقپاراتتىق جۇيەسىندە وتەتىن پىكىرسايىستاردىڭ قورىتىندىلارى بويىنشا داۋىس بەرۋدى قوسپاعاندا، دەلەگاتتىڭ قول نەمەسە مانداتىن كوتەرۋى ارقىلى وتكىزىلەدى.
كونفەرەنسيا بارىسىندا قاتىسۋشىلار اراسىندا پىكىرسايىس ۇيىمداستىرىلادى. ءبىرىنشى راۋندتا ۇمىتكەرلەر اۋدان نەمەسە قالانىڭ ماسەلەلەرىن شەشۋگە قاتىستى وزدەرىنىڭ كوزقاراستارىن ۇسىنۋى كەرەك. ەكىنشى راۋند – «سۇراق-جاۋاپ» فورماتىنداعى پىكىرتالاس سەسسياسى.
پارتيانىڭ ورتالىق اپپاراتى بەكىتكەن فيليال كونفەرەنسيالارىنىڭ ءاربىر كەزەڭىن رەگلامەنتتەيتىن نۇسقاۋلىققا سايكەس، ماجىلىسكە ۇمىتكەرلەر، رەسپۋبليكالىق ماڭىزى بار قالالاردى قوسپاعاندا، ەكى رەت – اۋداندىق، قالالىق جانە وبلىستىق كونفەرەنسيالاردا پىكىرسايىس وتكىزەدى.
پارلامەنت تومەنگى پالاتاسىنىڭ ءقازىر قىزمەتتىگى دەپۋتاتتارى بىردەن وبلىستىق، سونداي-اق رەسپۋبليكالىق ماڭىزى بار قالالارداعى كونفەرەنسيالاردىڭ پىكىرسايىستارىنا قاتىسا الادى.
پىكىرسايىس قورىتىندىسى بويىنشا ەڭ كوپ داۋىس جيناعان كانديدات ءماجىلىستىڭ پارتيالىق تىزىمىنە پىكىرسايىسقا قاتىسۋشى رەتىندە وبلىستىق كونفەرەنسياعا ۇسىنىلادى. ءاربىر اۋدان، قالا ءماجىلىستىڭ پارتيالىق تىزىمىنە پىكىرسايىسقا ءبىر قاتىسۋشىنى ۇسىنادى. وبلىس ورتالىعى ءماجىلىستىڭ پارتيالىق تىزىمىندەگى ءوڭىردىڭ وكىلدىك كۆوتاسىنا تەڭ ساندا پىكىرسايىسقا قاتىسۋشىلاردى ۇسىنادى.
وبلىستىق ءماسليحاتتارعا پارتيالىق تىزىمدەر ءتيىستى كونفەرەنسيالاردا، ال ماجىلىسكە قورىتىندى ءتىزىم «Nur Otan» سەزىندە بەكىتىلەدى.
ايتا كەتەيىك، وڭىرلىك كونفەرەنسيالاردا ۇمىتكەرلەر اراسىندا پىكىرسايىستار پرايمەريزدىڭ ەكىنشى كەزەڭى اياسىندا وتكىزىلەدى.
پارتياىشىلىك ىرىكتەۋدىڭ ءبىرىنشى كەزەڭىنە 10 مىڭعا جۋىق كانديدات قاتىستى. ولاردىڭ 37%ء-تى – ايەلدەر، 29%ء-تى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 30%ء-ى ۇسىنىلسا، ال 70%ء-ى – ءوزىن-وزى ۇسىنۋشىلار. كانديداتتاردىڭ ورتاشا جاسى – 43 جاس. بۇل رەتتە داۋىس بەرۋگە 662 مىڭنان اسا پارتيالىق قاتىستى.
پارتياىشىلىك پرايمەريز – ەلباسى، «Nur Otan» پارتياسىنىڭ ليدەرى نۇرسۇلتان نازاربايەۆتىڭ باستاماسىمەن قولعا الىنعان پارتيا جۇمىسىن قايتا جانداندىرۋ باعدارلاماسىنىڭ قورىتىندى كەزەڭدەرىنىڭ ءبىرى.
بۇل تۋرالى تولىعىراق اقپاراتپەن primaries.kz سايتىنان تانىسۋعا بولادى
پىكىر قالدىرۋ