3 قاراشا كۇنى شىمكەنتتە "الىپ قاشۋ" قۇربانى بولعان قىز تەرەزەدەن سەكىردى، دەپ حابارلادى otyrar.kz سايتى.

سايت مالىمەتىنشە، قايعىلى وقيعا شىمكەنت قالاسىندا كەشكى ساعات ون شاماسىندا رەسپۋبليكا داڭعىلىنداعى №45 ۇيدە بولعان. 

– قىزدىڭ كەۋدە جانە بەل ومىرتقاسى، جامباس سۇيەكتەرى سىنىپ، ىشكى جاراقاتىمەن №1 قالالىق اۋرۋحاناعا جاتقىزىلدى، – دەدى كۋاگەرلەر.

دارىگەرلەردىڭ ايتۋىنشا، ءقازىر قىزدىڭ جاعدايى تۇراقتى. قىزدىڭ مۇگەدەك بولىپ قالۋى، نە وزدىگىنىنەن ءجۇرىپ كەتۋى بەلگىسىز.

پوليسيا تەرگەۋ جۇرگىزىپ جاتىر. "كۇيەۋ جىگىتكە"  وزىنە ءوزى قول سالۋعا دەيىن جەتكىزۋ، ادامدى بوستاندىعىنان زاڭسىز ايىرۋ جانە زورلاۋ باپتارى بويىنشا ايىپ تاعىلۋى مۇمكىن. كۇدىكتىنىڭ ۇستالعانى جونىندە پوليسيا ءازىر اقپارات جاريالامادى.