الماتىدا وتكەن عۇلامالار كەڭەسىنىڭ XXVII كەزەكتەن تىس وتىرىسىنا قاتىسقان "اسىل ارنا" تەلەارناسىنىڭ ديرەكتورى مۇحامەدجان تازابەكوۆ ءدىني سەنىمىنە قاتىستى پىكىر ءبىلدىردى.

– قۇدايدىڭ الدىندا ارىم تازا بولۋ ءۇشىن، سىزدەرگە دە كەرەك بولىپ جاتسا قۇجات بولۋى ءۇشىن مەن ءوزىمنىڭ ءدىني ۇستانىم، تانىم-تۇسىنىگىمە بايلانىستى ماسەلەنى اشىق ايتقىم كەلەدى. كەزىندە ءبىزدىڭ ساۋد ارابيادان، پاكىستاننان وقىپ كەلگەندەرگە قۇشتارلىعىمىز ارتتى، تىڭداپ، قاسىندا جۇردىك. ءتىپتى ءبىزدىڭ اعالارىمىزدىڭ قولداۋىمەن بارىپ كورەيىك دەپ ساۋد ارابيادا 6-8 اي بولدىم. 6-8 اي بولعان كەزدە قۇداي كۋا، مەنىڭ ماحابباتىم اشىلىپ، بىرەۋدى شەيحىم ۇستازىم دەگەن ادام ەمەسپىن. بارعان كەزدە مەنى ءوزىنىڭ توبىنا تارتىپ جاتقاندارىن دا سەزبەدىم. مەنى ءبىر توپ مىنا جاققا، ەكىنشى توپ وزدەرىنىڭ توبىنا تارتىپ، كۇندىز-تۇنى مەنىمەن جۇمىس جاساعان ەكەن. ال مەن ونى سەزبەگەن كۇيى ەلگە كەلىپپىن. 

ءبىز كەيىن كەمەلدەنە كەلىپ، ءدىني باسقارماعا كەلگەن عۇلامالاردىڭ ۋاعىزىن تىڭدادىم. كەيىن ولاردىڭ ءدىني ۇستانىمىنا كۇمان كەلىپ الىستاي باستادىم. تەك ول ادامدارمەن كورگەن جەردە سالەمىم ءتۇزۋ بولدى. جاسىراتىنىم جوق ۇستازدارىممەن سويلەسىپ "ماتۋريدي كىم؟" "نە بولدى؟ شىنىمەن اداسىپ كەتتىم بە؟ شىنىمەن توزاققا بارا جاتىرمىز با؟" دەپ سۇرادىم. سوڭعى 8 جىلدا وسى ماسەلەنى زەرتتەۋمەن اينالىسىپ، سوڭعى نۇكتەسىن ناۋرىزباي حازىرەت قويىپ، كەيبىر ماسەلەلەرگە دەگەن مەنىڭ كۇمانىمدى كەتىردى. بىلاي ايتقاندا ماتۋريدي اتامىزعا تەك دۇعا قىلىپ قانا قويماي، مەنىڭ، اتا-بابالارىمنىڭ، ابايدىڭ اقيداسى ەكەنىنە تابان تىرەدىك. 

قۇدايدان جاسىرماعاندى ادامنان جاسىرمايسىڭ. قازىرگى ۋاقىتتا دارىن مۋباروۆپەن قارىم-قاتىناسىمىز جوق. كورگەندە سالەمىم ءتۇزۋ بولعانى بولماسا، جابىسىپ ۋاعىز تىڭداپ ارقاسىنان قاعىپ وتىرعانىمىز جوق. ءقازىر مەن "ماتۋريدي" اقيداسىندا ەكەنىمدى ايتۋدان قىسىلمايمىن، – دەپ اتاپ ءوتتى مۇحامەدجان تازابەكوۆ.