اقش-تا نارازىلىق تولقىنى باستالدى. كەيبىر قالالاردا شەرۋ بەيبىت جولمەن ءوتىپ جاتسا، كەيبىر نارازىلىق اكسيالارى پوليسيامەن قاقتىعىسقا ۇلاسىپ جاتىر، دەپ حابارلادى ريا نوۆوستي اقپارات اگەنتتىگى.
نيۋ-يوركتە پوليسيا مانحەتتەن كوشەلەرىنىڭ بويىمەن كەلە جاتقان نارازىلىق بىلدىرۋشىلەردى بىرتىندەپ ۇستاي باستادى. بەلسەندىلەردىڭ تالابى اقش-تا ءوتىپ جاتقان پرەزيدەنت سايلاۋىنداعى بارلىق داۋىستاردى ەسەپكە الۋ. جينالعان توپتاردىڭ اراسىنان ساياسي ۇراندار ەستىلمەيدى.
تاسس اگەنتتىگىنىڭ مالىمەتىنشە، جينالعاندار پوليسيانى قورلاپ، ولاردى قايتارماق بولعان. قۇقىق قورعاۋ ورگاندارىنىڭ قىزمەتكەرلەرى كەي جاس جىگىتتەردى قورشاپ ، ولاردى جەرگە جاتقىزىپ، قولدارىنا كىسەن سالعان.
نارازىلىق شارالارى ميچيگان شتاتىندا دا ءوتىپ جاتىر. NBC تەلەارناسىنىڭ حابارلاۋىنشا، دەترويتتاعى "ازاماتتىق قور" ورتالىعىنىڭ عيماراتىنا ونداعان ادام كەلىپ داۋىستاردى ساناۋدى توقتاتۋدى تالاپ ەتۋدە.
بۇعان دەيىن دونالد ترامپتىڭ شتابى ميچيگانداعى داۋىستاردى ساناۋدى توقتاتا تۇرۋ تۋرالى ارىزبەن سوتقا جۇگىنىپ، داۋىس ساناۋدى باقىلاۋ قول جەتىمسىز ەكەنىن ايتقان. پەنسيلۆانيا مەن ۆيسكونسيندە وسىنداي سوت ءىسى قوزعالدى.
سونداي-اق ۆاشينگتونداعى اق ءۇيدىڭ ماڭىندا دا پوليسيامەن قاقتىعىس تۋرالى حابارلامالار بار. "ترامپ پەن پەنس – كەت!" دەپ ۇرانداتقان توپ اق ۇيدەن ءجۇز مەتر قاشىقتىقتا جينالعان.
اق ءۇي ماڭىندا بەلسەندىلەردىڭ تاعى ءبىر توبى جينالدى، ولاردىڭ كوپشىلىگى مۇندا بىرنەشە كۇننەن بەرى كەلىپ جۇرگەن. الاڭدا پوليسيا قىزمەتكەرلەرى كەزەكشىلىك ەتىپ ءجۇر.
ۆاشينگتون سكۆەر پاركىنە 200-دەن استام نارازى توپ جينالدى، ولاردىڭ ءبىر بولىگى پرەزيدەنت سايلاۋىنداعى بارلىق داۋىستاردى ەسەپكە الۋدى تالاپ ەتۋدە. كەيبىرەۋلەر "دەموكراتيالىق پارتيانىڭ" اتريبۋتتارى مەن پرەزيدەنتتىككە ۇمىتكەر دجو بايدەننىڭ توسبەلگىلەرىن ساتىپ ءجۇر. ارا-تۇرا كەيبىر جاستار "ءار داۋىستى ساناڭىز" دەپ ۇرانداپ قويادى.
سونداي-اق سايلاۋ بولعان ءتۇنى لوس-اندجەلەستە 40-قا جۋىق ادام تەمىرجول جولدارىن جاپقانىي حابارلاندى.
جول قيىلىسىندا بولعانى ءۇشىن شامامەن 30 ادامعا ايىپپۇل سالىندى. تەمىر جولداردى جاۋىپ، زاڭسىز جينالىس جاريالانعان 40-قا جۋىق ادام تارقاۋدان باس تارتقانى ءۇشىن ۇستالدى. بۇعان دەيىن
ەستەرىڭىزگە سالا كەتەيىك، اقش-تا پرەزيدەنت سايلاۋى ءوتىپ جاتىر. پرەزيدەنتتىككە رەسپۋبليكاشىل دونالد ترامپ پەن دەموكرات دجو بايدەن ۇمىتكەر.
پىكىر قالدىرۋ