دەنساۋلىق ساقتاۋ مينيسترلىگى وتكەن تاۋلىكتە قازاقستاندا 703 ادامنان ۆيرۋس انىقتالعانىن حابارلادى.
ونىڭ ىشىندە پتر ارقىلى 494 ادامنان كوروناۆيرۋس راستالسا، 209 ناۋقاستا كوروناۆيرۋس ينفەكسياسىنىڭ بەلگىلەرى بار پنيەۆمونيا تىركەلگەن.
1 ادام پنيەۆمونيادان قايتىس بولعان. 64 ناۋقاس پنيەۆمونيادان، 246 ناۋقاس كوروناۆيرۋستان جازىلىپ شىققان.
قازىرگى ۋاقىتتا كوروناۆيرۋستان 5 223 ادام ەم قابىلداۋدى جالعاستىرۋدا. ولاردىڭ اراسىندا 340 بالا بار.
ستاسيونارلاردا 2 572 ناۋقاس جاتىر. 2 651 ادام امبۋلاتوريالىق جاعدايدا ەمدەلۋدە.
ناۋقاستاردىڭ اراسىندا 148 ادامنىڭ احۋالى ناشار. سونىڭ ىشىندە 25 ناۋقاستىڭ احۋالى اسا قاتتى اۋىر دەپ باعالانۋدا. 26 ناۋقاس وكپەنى جاساندى جەلدەتۋ اپپاراتىندا جاتىر.
پىكىر قالدىرۋ