قوستاناي وبلىسىندا كارانتين شارالارى قايتا كۇشەيتىلەدى. بۇگىن وبلىس اكىمدىگى جانىنداعى جەدەل شتاب وسىنداي شەشىم شىعاردى، دەپ حابارلادى coronavirus2020.kz سايتى.
سوڭعى كۇندەرى وبلىستا ەپيدەميولوگيالىق احۋال كۇردەلەنە ءتۇستى. وسىعان بايلانىستى covid-19 اۋرۋىنىڭ ودان ءارى تارالۋىنا جول بەرمەۋ ماقساتىندا وبلىستىق جەدەل شتاب 9 قاراشادان باستاپ 2 اپتا مەرزىمگە كارانتين شارالارىن قاتاڭداتۋ تۋرالى شەشىم قابىلدادى.
كارانتين تالاپتارىنا ساي:
- قوستاناي قالاسىنىڭ پەريمەترى بويىنشا بلوكپوستار ورناتا وتىرىپ، سونداي-اق ق ر مەملەكەتتىك شەكاراسى ارقىلى اۆتووتپە جولدار اۋدانىندا كارانتين ەنگىزىلەدى؛
- كۆي-مەن سىرقاتتانۋشىلىقتىڭ كۇن سايىنعى ءوسىمى 10-نان استام جاعدايدى قۇرايتىن ەلدى مەكەندەردە سانيتاريالىق بلوكپوستتار ورناتىلادى؛
- پتر انىقتاماسى جوق جۇك كولىگى مەن جولاۋشىلاردىڭ قوستاناي وبلىسىنا كىرۋىنە تىيىم سالىنادى، ولار بولماعان جاعدايدا ادامدار تەكسەرۋ ءۇشىن 2 كۇنگە دەيىنگى مەرزىمگە كارانتيندىك گوسپيتالعا جىبەرىلەدى؛
- اۋە قاتىناسى جولاۋشىلارىندا تەرىس ناتيجەسى بار پتر-انىقتامالاردىڭ مىندەتتى تۇردە بولۋى كەرەك (بەرىلگەن ساتتەن باستاپ 3 تاۋلىكتەن ارتىق ەمەس)؛
- اۋەجايلارعا، تەمىر جول ۆوكزالدارىنا كۇتىپ الاتىن جانە شىعارىپ سالاتىن تۇلعالاردى كىرگىزۋگە تىيىم سالىنادى (بيلەت بولعان جاعدايدا عانا وتكىزىپ الۋ)؛
- تەمىر جول تاسىمالدارىنىڭ كولەمى مەن كەزەڭدىلىگى قىسقارتىلادى («قازاقستان تەمىر جولى» اق-مەن كەلىسىم بويىنشا)؛
- قوستاناي وبلىسى ەلدى مەكەندەرىنىڭ اۋماعى بويىنشا تۇرعىنداردىڭ ءجۇرىپ-تۇرۋى ساعات 21:00-دەن 06:00-گە دەيىن شەكتەلەدى؛
- قوعامدىق كولىك جۇمىسىنا وتىراتىن ورىن سانى بويىنشا ساعات 06.00-دەن ساعات 20.00-گە دەيىن رۇقسات بەرۋ. دەمالىس جانە مەرەكە كۇندەرى قوعامدىق كولىكتىڭ جۇمىسىن توقتاتا تۇرۋ؛
- ءدىني وبەكتىلەردىڭ (مەشىتتەر، شىركەۋلەر، سوبورلار، سيناگوگالار جانە ت. ب.) قىزمەتىن توقتاتا تۇرۋ؛
- مادەنيەت وبەكتىلەرىنىڭ (جەكە، توپتىق دايىندىقتار)، كىتاپحانالاردىڭ، مۇراجايلاردىڭ قىزمەتىن توقتاتا تۇرۋ؛
- جۇمىس كۇندەرى ساعات 08.00-دەن باستاپ ساعات 21.00-گە دەيىن جۇمىس رەجيمىن شەكتەي وتىرىپ، ءبىر مەزگىلدە 30-دان اسپايتىن كەلۋشىلەر بولعان جاعدايدا ءۇي-جايلارداعى قوعامدىق تاماقتاندىرۋ وبەكتىلەرىنىڭ، ساعات 21.00-دەن كەيىنگى جۇمىس تەك الىپ كەتۋگە جانە جەتكىزۋگە، سالتاناتتى، وتباسىلىق، ەستەلىك، ۇجىمدىق ءىس-شارالاردى وتكىزبەي رۇقسات بەرۋ. جەكسەنبى جانە مەرەكە كۇندەرى ساعات 21.00-دەن كەيىن جۇمىس تەك الىپ كەتۋگە جانە جەتكىزۋگە رۇحسات بەرۋ؛
- 08.00-دەن باستاپ 19.00-گە دەيىن جۇمىس رەجيمىمەن الدىن الا جازىلۋ بويىنشا سۇلۋلىق سالوندارىنىڭ، شاشتارازداردىڭ، سپا-ورتالىقتاردىڭ، كوسمەتولوگيالىق قىزمەت كورسەتەتىن وبەكتىلەردىڭ قىزمەتىنە رۇقسات بەرۋ. جەكسەنبى كۇندەرى توقتاتا تۇرۋ؛
- جۇمىس كۇندەرى الدىن الا جازىلۋ بويىنشا فيتنەس-ورتالىقتاردىڭ، جاتتىعۋ زالدارىنىڭ جانە سپورتتىق-ساۋىقتىرۋ ورتالىقتارىنىڭ قىزمەتىنە رۇقسات بەرۋ، جۇمىس ۋاقىتى ساعات 08.00-دەن باستاپ 19.00-گە دەيىن ءبىر كەلۋشىگە 50% - دان اسپايتىن جانە 5 شارشى مەتردەن كەم ەمەس تولتىرىلۋىن قامتاماسىز ەتۋ كەزىندە. دەمالىس جانە مەرەكە كۇندەرى توقتاتىلا تۇرسىن؛
- سپورتشىلاردىڭ قازاقستان رەسپۋبليكاسىنان تىس جەرلەردە وقۋ-جاتتىعۋ جيىندارى مەن جارىستارعا قاتىسۋى ءۇشىن كەتۋىنە تىيىم سالۋ؛
- جەرلەۋ ءىس-شارالارىن وتكىزۋ كەزىندە كەمىندە 2 مەتر قاشىقتىقتى ساقتاي وتىرىپ، 20-دان استام ادامنىڭ (وتباسى مۇشەلەرىنىڭ، جاقىن تۋىستارىنىڭ) جينالۋىنا جول بەرمەۋ؛
- كۇندىزگى رەجيمدە كەڭەستەر (وتىرىستار) وتكىزۋگە تىيىم سالۋ.
- مەملەكەتتىك ورگاندار، كۆازيمەملەكەتتىك سەكتور قىزمەتكەرلەرىنىڭ 80% - ىنىڭ جۇمىسىن قاشىقتىقتان رەجيمگە كوشىرۋ؛
- جولاۋشىلار سانى 2 ادامنان اسپايتىن، ساعات 21:00-دەن 06.00-گە دەيىن تاكسيدىڭ ءجۇرىپ-تۇرۋىن شەكتەۋ؛
- تەاترلاردىڭ، كينوتەاترلاردىڭ قىزمەتىن توقتاتا تۇرۋ؛
- ساۋدا ۇيلەرى، ساۋدا ورتالىقتارى، ازىق-تۇلىك ەمەس دۇكەندەر ءۇشىن جۇمىس رەجيمىن 10:00-دەن 20:00-گە دەيىن شەكتەۋ.
- ازىق-تۇلىك دۇكەندەرىنىڭ جۇمىس رەجيمىن ساعات 08:00-دەن 21:00-گە دەيىن شەكتەۋ؛
- تەرموپارك جۇمىسىن جابۋ؛
- دەمالىس جانە مەرەكە كۇندەرى قالاارالىق قوعامدىق كولىكتىڭ قوزعالىسى توقتاتىلا تۇرسىن.
"سىزدەردەن جەكە قاۋىپسىزدىك شارالارىن ساقتاۋعا بايىپتى قاراۋىڭىزدى سۇرايمىز. ادامدارمەن بايلانىستى ازايتۋ، الەۋمەتتىك قاشىقتىقتى ساقتاۋ، كۇندەلىكتى ومىردە بارلىق ساقتىق شارالارىن سانالى تۇردە ساقتاۋ ماڭىزدى. كەيىننەن شەكتەۋ شارالارىن الىپ تاستاۋ تۋرالى بارلىق شەشىمدەر قالىپتاسىپ وتىرعان ەپيدجاعدايدى ەسكەرە وتىرىپ قابىلداناتىن بولادى. تەك ورتاق كۇش-جىگەردىڭ ارقاسىندا ءبىز كوروناۆيرۋستىق ينفەكسيانىڭ جاپپاي تارالۋىن توقتاتا الامىز، ءوز ءومىرىمىزدى جانە جاقىندارىمىزدىڭ ءومىرىن ساقتاي الامىز" دەلىنگەن جەدەل شتاب تاراتقان حابارلامادا.
پىكىر قالدىرۋ