الەۋمەتتىك جەلىلەردە تاۋلى قاراباحتاعى قاقتىعىستا جارالانعان ازەربايجان ساربازى وتا كەزىندە "دجان كاراباح!" ءانىن شىرقاپ جاتقان ۆيدەو تارادى، دەپ حابارلادى Trend سايتى.
سايتتىڭ مالىمەتىنشە، ۆيدەوداعى سارباز مايدانعا ءوز ەركىمەن اتتانعان، حالىق اندەرىن ورىنداۋشى، ازەربايجان مەملەكەتتىك اكادەميالىق مۋزىكالىق تەاترىنىڭ ءسوليسى مابۋد احمەدوۆ. ول سونداي-اق "ءۇچۇمۇز" ATV تەلەجوباسىنىڭ بەك-ۆوكاليستى.
تاۋلى قاراباقتاعى قاقتىعىس 27 قىركۇيەكتە باستالعان بولاتىن. تاراپتار جانجالدىڭ باستالۋ سەبەبىن بىر-بىرىنەن كورەدى. ارميان جانە ازەربايجان كۇشتەرى اراسىنداعى ۇرىس بىرنەشە فرونتتا ءجۇردى. ۇرىستا دروندار، ارتيللەريا، اۋىر تەحنيكا مەن راكەتالىق كەشەندەر قولدانىلدى. ەكى جاقتان دا بەيبىت تۇرعىندار وپات بولعان.
10 قازاندا ارمەنيا مەن ازەربايجان گۋمانيتارلىق ماقساتتا تاۋلى قاراباحتاعى اتىستى توقتاتۋعا كەلىسكەن. الايدا تاراپتار ءالى دە ءالسىن-السىن قارۋلى كۇش قولدانۋدا.
پىكىر قالدىرۋ