كەڭەس ءتوراعاسى، ءماجىلىس دەپۋتاتى قانات مۋسين كوروناۆيرۋس پاندەمياسى بۇكىل الەمدە ەكونوميكالىق قۇلدىراۋعا الىپ كەلدى دەپ اتاپ ءوتتى.

«ەلىمىزدە كارانتينگە بايلانىستى ەكونوميكاعا جانە ناقتى سەكتورداعى كاسىپورىنداردىڭ، سونىڭ ىشىندە ەڭ الدىمەن شاعىن جانە ورتا بيزنەستىڭ قىزمەتىنە تەرىس اسەر ەتتى. مەملەكەتتىك قولداۋدىڭ ءبىرىنشى كەزەكتەگى باعىتى - زاڭنامالىق بازانى جاقسارتۋ»، - دەدى قانات مۋسين.

كەڭەس مۇشەلەرىنىڭ پىكىرىنشە، شاعىن جانە ورتا بيزنەس سالاسىنداعى تۇراقتىلىق اسا ماڭىزدى، ويتكەنى شاعىن جانە ورتا بيزنەسپەن اينالىساتىنداردىڭ سانى حالىقتىڭ 31،7%ء-تىن قۇرايدى. كاسىپكەرلەردىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆتىڭ ايتۋىنشا، ەنگىزىلگەن كارانتيندىك شارالاردىڭ سالدارىنان 40 مىڭنان استام بيزنەس سۋبەكتىسى زارداپ شەككەن.

«قازىرگى ۋاقىتتا كاسىپكەرلەر جۇمىس ىستەۋگە مۇمكىندىك بەرۋدى سۇراپ وتىر. پاندەميانىڭ ەكىنشى تولقىنى ءجۇرىپ جاتىر، ءبىراق شەكتەۋ شارالارىنا مۇقيات بولۋ كەرەك»، - دەدى بيزنەس-ومبۋدسمەن.

وتىرىسقا قاتىسۋشىلار مەملەكەت باسشىسى قاسىم-جومارت توقايەۆتىڭ بيزنەستى رەتتەۋدىڭ وڭتايلى تاسىلدەرىن ازىرلەۋ جونىندەگى تاپسىرمالارىنىڭ ورىندالۋىنا توقتالدى. ەستەرىڭىزگە سالا كەتەيىك، پرەزيدەنت قازاقستان حالقىنا جولداۋىندا رەتتەۋدى «باسىنان باستاپ» ەنگىزۋدى، ياعني كاسىپكەرلەرگە قويىلاتىن تالاپتاردى قايتا قاراۋدى ۇسىنعان بولاتىن.

«قازىرگى ۋاقىتتا مەملەكەت تاراپىنان  قويىلىپ وتىرعان 30 مىڭعا جۋىق تالاپ بار، ولاردىڭ كوپشىلىگى ەسكىرگەن، باسقالارى قايتالانۋدا. وسىعان بايلانىستى كاسىپكەرلەردىڭ مەملەكەتتىك ورگاندارعا دەگەن سەنىمسىزدىگى ارتىپ كەلەدى»، - دەدى كەڭەس مۇشەسى، ءماجىلىس دەپۋتاتى ۆاسيليي ولەينيك.

قالىپتاسقان جاعدايعا تۇسىندىرە بەرە كەلە، ۇلتتىق ەكونوميكا ءبىرىنشى ۆيسە-مينيسترى اسەت ەرعالييەۆ كەڭەس مۇشەلەرىنە كەلەسى جىلدىڭ قىركۇيەگىندە پارلامەنتتىڭ تومەنگى پالاتاسىنا ءتيىستى زاڭ جوباسى بەرىلەتىنىن ايتتى.

«قۇجاتتا 3 كودەكسكە، 8 زاڭعا، مەملەكەتتىك ورگانداردىڭ 66 بۇيرىعىنا بيزنەسكە كەدەرگى كەلتىرەتىن جانە ازاماتتاردىڭ دەنساۋلىعى مەن قورشاعان ورتانى قورعاۋعا باعىتتالماعان قايشىلىقتى، ەسكىرگەن تالاپتاردى جويۋعا باعىتتالعان وزگەرىستەر ەنگىزۋدى كوزدەيدى. بۇدان باسقا، بيزنەس ەسەپتىلىگىن تولىق اۆتوماتتاندىرۋدى ەنگىزۋ جانە ەسەپتىلىك بازالارىن قايتا قالپىنا كەلتىرۋ جوسپارلانۋدا»، - دەدى اسەت يرعالييەۆ.

تاعى ءبىر ماڭىزدى ماسەلە ميكروقارجى ۇيىمدارىنىڭ قىزمەتى. اتاپ ايتقاندا، قۇقىقتىق كەڭەس ءتوراعاسى بانكتىك زايم قول جەتىمسىزدىگىنە بايلانىستى بانكتەر ميكروقارجى ۇيىمىنا جۇگىنۋگە ءماجبۇر ەكەنىن اتاپ ءوتتى.

«ءقازىر اۆتوبۋس ايالدامالارىندا شاعىن نەسيە الىپ، بىردەن اقشا الۋدى ۇسىنادى. ءبىراق بۇل اقشانىڭ قۇنى قانداي؟ كەيبىر جاعدايلاردا پايىزدىق مولشەرلەمە 700%-كە جەتەدى! بۇل ميكروقارجى ۇيىمدارى ازاماتتاردىڭ قارجىلىق ساۋاتسىزدىعىن پايدالانىپ، ولاردى قارىزعا باتىرۋدا. سونىمەن قاتار الاياقتىق جاعدايلارى دا ءجيى كەزدەسەدى. ادامنىڭ ءجسن-ىن، تەلەفون ءنومىرىن ءبىلۋ ارقىلى ميكروكرەديتتى كەز-كەلگەن ادامعا ءىلىپ قويۋعا بولادى. ءوتىنىش ءبىلدىرۋشىنىڭ جەكە باسىن جانە كىمگە نەسيە بەرىلەتىنىن ەشكىم تەكسەرمەيدى»، - دەپ اتاپ ءوتتى قانات مۋسين.

ءوز كەزەگىندە ۇلتتىق ەكونوميكا ءبىرىنشى ۆيسە-مينيسترى ەكونوميكالىق ءوسىمدى قالپىنا كەلتىرۋ ماسەلەلەرى جونىندەگى زاڭ جوباسىندا شەشىمدەر ۇسىنىلعانىن مالىمدەدى. باستى جاڭالىق – ەكىنشى دەڭگەيدەگى بانكتەرگە قويىلاتىن تالاپتار ميكروقارجى ۇيىمدارىنا دا قولدانىلاتىن بولادى. بۇدان باسقا، پايىزدىق مولشەرلەمەلەرگە جانە الاياقتىقتى بولدىرماۋعا شەكتەۋلەر بولادى.

قۇقىقتىق كەڭەس وتىرىسىن قورىتىندىلاي كەلە، قانات مۋسين ءتيىستى مەملەكەتتىك ورگاندارعا شاعىن جانە ورتا كاسىپكەرلىكتى ودان ءارى زاڭنامالىق قولداۋدى جەتىلدىرۋ بويىنشا ناقتى ۇسىنىستار جىبەرىلەتىنىن اتاپ ءوتتى.