قاراباقتاعى قاقتىعىس اياقتالدى

/image/2020/11/10/crop-11_7_834x1482_mycollages-6.jpg
قاراباقتاعى سوعىس اياقتالدى. بۇل تۋرالى BBC.com حابارلادى. 
 
ارمەنيا پرەمەر-مينيسترى نيكول پاشينيان ازەربايجان پرەزيدەنتى يلحام الييەۆ جانە رەسەي پرەزيدەنتى ۆلاديمير پۋتين تاۋلى قاراباقتا اسكەري ارەكەتتەردى توقتاتۋ تۋرالى كەلىسىمگە قول قويدى. ArmInfo اگەنتتىگى جاريالاعان جولداۋ ماتىنىنە سايكەس، رەسەيدىڭ بىتىمگەرشىلىك كۇشتەرى ايماققا اكەلىنىپ جاتىر، ال ارمەنيا "اگدام وبلىسى مەن ازەربايجان رەسپۋبليكاسىنىڭ گازاح ايماعىندا ارميان تاراپى ۇستاپ وتىرعان اۋماقتاردى 20 قاراشاعا دەيىن ازەربايجانعا قايتارۋعا مىندەتتى.
 
بۇگىن، 9 قاراشادا ازەربايجان رەسپۋبليكاسىنىڭ پرەزيدەنتى، ارمەنيا رەسپۋبليكاسىنىڭ پرەمەر-مينيسترى پاشينيان جانە رەسەي فەدەراسياسىنىڭ پرەزيدەنتى تاۋلى قاراباق قاقتىعىسى ايماعىندا تولىعىمەن اتىستى توقتاتۋ جانە بارلىق اسكەري ءىس-قيمىلداردى 2020 جىلدىڭ 10 قاراشاسىندا ماسكەۋ ۋاقىتىمەن ساعات 00:00 باستاپ توقتاتۋ تۋرالى مالىمدەمەگە قول قويدى، –  دەدى پۋتين.

ول رەسەي قارۋلى كۇشتەرىنىڭ بىتىمگەرلىك كۇشتەرى ءقازىردىڭ وزىندە قاراباققا كەتىپ جاتقانىن ايتتى.

وسىلايشا، ءۇش ەلدىڭ اراسىندا بولعان كەلىسىم بويىنشا بارلىق اۋداندار ازەربايجانعا قايتارىلىپ، ال باسقىنشى اسكەر سول اۋماقتان تۇگەل شىعارىلادى. قايتا قاقتىعىس بولماۋى ءۇشىن رەسەي بىتىمگەرلىك كۇشتەرى ەكى ەل اراسىنا قويىلاتىن شەكارالىق ءدالىزدى 5 جىل كۇزەتەدى. 

تاعى وقىڭىز!

♦ تاۋلى قاراباق بويىنشا قانداي كەلىسىم جاسالدى؟

قاتىستى ماقالالار