ميانماداعى پرەزيدەنتتىك سايلاۋدا اۋن سان سۋ جەڭەدى دەپ كۇتىلۋدە. ونىڭ مىڭداعان جاقتاسى قولىنا تۋ ۇستاپ اۋن سان ءسۋ-دىڭ شتاب-پاتەرىنىڭ جانىندا جينالدى. 2011 جىلى وتكەن پرەزيدەنتتىك سايلاۋدا اۋن سان سۋ جەڭگەن بولاتىن. نوبەل سىيلىعىنىڭ يەگەرى اۋن سان سۋ تانىمالدىلىعىنا قاراماستان 2017 جىلى روحيندجا مۇسىلماندارىنا قاتىستى شۋدان كەيىن الەم الدىنداعى بەدەلى تۇسكەن.
باقىلاۋشىلار سايلاۋدىڭ ءادىل ءوتىپ جاتقانىنا كۇماندانادى. سەبەبى روحيندجا مۇسىلماندارى داۋىس بەرۋ قۇقىعىنان ايىرىلعان.
كوروناۆيرۋسقا بايلانىستى ەگدە جاستاعىلارعا وتكەن اپتادا ارنايى داۋىس بەرۋ ۋاقىتى بەلگىلەنگەن. وپپوزيسيالىق پارتيا وكىلدەرى پاندەمياعا بايلانىستى پرەزيدەنتتىك سايلاۋدى كەيىنگى شەگەرۋدى تالاپ ەتىپ وتىر. الايدا اۋن سان سۋ پەزيدەنتتىك سايلاۋ كوروناۆيرۋستان دا ماڭىزدى ەكەنىن ايتادى.
روحيندجا مۇسىلماندارى نەلىكتەن داۋىس بەرە المايدى؟
داۋىس بەرۋ ميانما ۋاقىتى بويىنشا ساعات 06.00-دە باستالىپ، 00.00-دە جابىلدى. الايدا، ادامدار ءالى دە داۋىس بەرۋ ءۇشىن ۇزىن كەزەكتە تۇر. ميانما حالقىنىڭ از عانا بولىگىن قۇرايتىن روحيندجا مۇسىلماندارىنىڭ قۇجاتتارى 2015 جىلى كۇشىن جويعان. ميانما ارمياسىنىڭ قۋدالاۋىنان كەيىن 740 000 روحيندجا مۇسىلمانى كورشى ەلدەرگە قاشۋعا ءماجبۇر بولعان. مايلايزيا بيلىگى كوروناۆيرۋس پاندەمياسىنا بايلانىستى روحيندجا بوسقىندارىن قابىلداۋدان باس تارتتى.
قىركۇيەكتە بۇۇ-نىڭ ادام قۇقىعى جونىندەگى تەرگەۋشىسى مۇسىلمان ازاماتتاردى داۋىس بەرۋ قۇقىعىنان ايىرعاننان كەيىن ميانماداعى پرەزيدەنت سايلاۋىنىڭ ادىلەتتى ءوتۋى مۇمكىن ەمەس ەكەنىن ايتادى. روحيندجا مۇسىلماندارى الەمدەگى قۋدالاۋعا ەڭ كوپ ۇشىراعان حالىق دەپ تانىلدى.
ميانما بيلىگى روحيندجا مۇسىلماندارىن بانگلادەشتەن كەلگەن بوسقىن دەپ تانىپ ولارعا ازاماتتىق بەرۋدەن باس تارتتى.
بۇۇ-ى سوتى بيىل قاڭتاردا روحيندجالىقتاردى گەنوسيدتەن قورعاۋ تۋرالى ۇكىم شىعاردى. اۋن سان سۋ ونى گەنوسيد دەپ تانۋدان باس تارتتى.
پىكىر قالدىرۋ