شىعىس قازاقتان وبلىسى باس سانيتار دارىگەرىنىڭ قاۋلىسىمەن كارانتين شارالارى ۇزارتىلدى.
"اۋماقتىڭ باس مەملەكەتتىك سانيتار دارىگەرىنىڭ م.ا. گ.ج.تاگايەۆانىڭ قاۋلىسىمەن شىعىس قازاقستان وبلىسىنىڭ اۋماعىندا 2020 جىلعى 11 قاراشاداعى ساعات 00.00-دەن باستاپ 2020 جىلعى 25 قاراشاداعى ساعات 00:00-گە دەيىن شەكتەۋ شارالارى ۇزارتىلدى" دەلىنگەن رەسم سايت تاراتقان حابارلامادا.
قاۋلىعا سايكەس:
- كوروناۆيرۋستىق ينفەكسيانىڭ الدىن الۋ ماسەلەلەرى بويىنشا اقپاراتتىق ماتەريالداردى حابارلاندىرۋ تاقتالارىنا جانە باسقا دا كوپشىلىككە كورىنەتىن جەرلەرگە ورنالاستىرۋ؛
- مەملەكەتتىك ورگاندار مەن ۇيىمداردا ازاماتتاردى جەكە قابىلداۋدى، قىزمەتكەرلەردىڭ جەكە قاتىسۋىمەن كەڭەستەردى، سەمينارلاردى جانە ت. ب. وتكىزۋدى ازايتۋ؛
- ادامدار كوپ جينالاتىن ورىندارداعى عيماراتتار ءۇي-جايلارىندا، قوعامدىق كولىكتە، جابىق جانە جىلى ايالدامالاردا، اۋەجايلاردا، تەمىرجول جانە اۆتوۆوكزالداردا دەزينفەكسيالىق جانە سانيتاريالىق وڭدەۋ جۇرگىزۋ؛
- ويىن-ساۋىق، سپورتتىق ءىس-شارالاردى، بەيبىت جينالىستاردى، كورمەلەردى، فورۋمداردى، كونفەرەنسيالاردى، سونداي-اق وتباسىلىق، سالتاناتتى، ەسكە الۋ شارالارىن (بانكەتتەر، ۇيلەنۋ تويلارى، مەرەيتويلار، اس بەرۋ) جانە باسقا دا بۇقارالىق ءىس-شارالاردى، ونىڭ ىشىندە ۇيدە وتكىزۋگە؛
- ويىن-ساۋىق مەكەمەلەرىنىڭ جۇمىس ىستەۋىنە تىيىم سالۋ (كاراوكە، بيليارد، كومپيۋتەرلىك كلۋبتار، تۇنگى كلۋبتار، بوۋلينگ ورتالىقتارى، جابىق ءۇي-جايلارداعى بالالاردىڭ ويىن الاڭدارى مەن اتتراكسيوندارى، كينوتەاترلار، بۋكمەكەرلىك كەڭسەلەر، فۋدكورتتار).
وسكەمەن قالاسىندا شەكتەۋ ساقتالسىن، ال ريددەر قالاسى؛ التاي اۋدانىنىڭ سەرەبريانسك قالاسى مەن جاڭا بۇحتىرما كەنتىندە اتالعان نىسانالاردىڭ جۇمىس ىستەۋىنە تىيىم سالىنادى:
1) كينوتەاترلار؛
2) مونشالار، ساۋنالار؛
3) باسسەيندەر؛
4) تەاترلار؛
5) مادەنيەت وبەكتىلەرى، كىتاپحانالار، مۇراجايلار؛
6) فيتنەس-ورتالىقتار جانە سپورتتىق-ساۋىقتىرۋ ورتالىقتارى، جاتتىعۋ زالدارى، سپورت كەشەندەرى، سپا ورتالىقتارى/سالوندارى.
پىكىر قالدىرۋ