انتيكور ورتالىعىندا الماتى قالاسىنىڭ اكتيۆتەرىمەن رەسپۋبليكالىق اقپاراتتىق-اعارتۋشىلىق شتاب مۇشەلەرىنىڭ كەزدەسۋ ءوتتى.
حالىق اراسىندا پاراساتتىلىق مادەنيەتىن قالىپتاستىرۋ بويىنشا ءتۇسىندىرۋ قىزمەتىن جۇرگىزۋ ماقساتىندا قۇقىق قورعاۋ جانە مەملەكەتتىك ورگانداردا سىبايلاس جەمقورلىققا قارسى قىزمەتتىڭ رەسپۋبليكالىق اقپاراتتىق-اعارتۋشىلىق شتابى جۇمىس ىستەيدى.
شتابتىڭ ماقساتى حالىقپەن سىندارلى ديالوگ قۇرۋ، ءتۇرلى تاسىلدەردى قولدانا وتىرىپ، كەڭ اۋقىمدى اقپاراتتىق-اعارتۋشىلىق جۇمىس جۇرگىزۋ ارقىلى پاراساتتىلىق قاعيداتتارىن تاراتۋ بولىپ تابىلادى.
ەلىمىزدىڭ بارلىق وبلىستارىندا وڭىرلىك اقپاراتتىق-اعارتۋشىلىق شتابتارى جۇمىس اتقارۋدا.
"حالىق ۇنىنە قۇلاق اساتىن مەملەكەت" تۇجىرىمداماسىن ورىنداۋ اياسىندا جەرگىلىكتى اتقارۋشى ورگانداردىڭ باسشىلارىمەن، اۋدان اكىمدەرىمەن، سونداي-اق الماتى قالاسىنىڭ اكتيۆتەرىمەن ءتۇسىندىرۋ كەزدەسۋى ءوتتى.
ءتۇسىندىرۋ جۇمىستارىن شتاب ءتوراعاسى ىرزا تۇرسىنزادا مەن اگەنتتىكتىڭ پاراساتتىلىق دەپارتامەنتىنىڭ ديرەكتورى عانيجان اسان ۇلى جۇرگىزدى.
ءىس-شارا بارىسىندا عانيجان اسان ۇلى سىبايلاس جەمقورلىققا قارسى زاڭناماداعى وزگەرىستەر مەن تولىقتىرۋلار جايلى، سىبايلاس جەمقورلىقتى جويۋ ماقساتىندا اگەنتتىكتىڭ الدىن الۋ جۇمىستارى تۋرالى ايتىپ بەردى.
"سىبايلاس جەمقورلىق كىسى ولتىرۋدەن گورى اۋىر قىلمىس بولىپ تابىلادى. ويتكەنى، كىسى ءولتىرۋ سالدارىنان ادام قايتىس بولادى، ال سىبايلاس جەمقورلىقتىڭ سالدارىنان بۇكىل مەملەكەت تۇبىمەن جويىلادى. سىبايلاس جەمقورلىق كورىنىستەرىنە ورىن جوق مەملەكەتتى قۇرۋ، ءارقايسىمىزدىڭ ازاماتتىق ۇستانىمىمىز"،- دەپ شتاب جەتەكشىسى ىرزا تۇرسىنزادا ءوز ويىمەن ءبولىستى.
كەزدەسۋ بارىسىندا قاتىسۋشىلارعا ق ر سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتى تۋرالى بەينەروليكتەر، سونداي-اق سىبايلاس جەمقورلىق قىلمىستىق قۇقىق بۇزۋشىلىق جاسادى دەگەن كۇدىكتىلەردى اشكەرەلەۋ بويىنشا جەدەل بەينەتۇسىرىلىمدەر كورسەتىلدى.
ءىس-شارا بارىسىندا قاتىسۋشىلار وزدەرىنىڭ ۇسىنىستارى مەن جاڭا يدەيالارىن، سونداي-اق سىبايلاس جەمقورلىققا قارسى ءىس-قيمىلدا وڭ جۇمىس تاجىريبەسىمەن الماستى.
پىكىر قالدىرۋ