11 قاراشاعا قاراعان ءتۇنى نۇر-سۇلتاندا ازاماتتىق بەلسەندى دۋلات ءاعادىلدىڭ ۇلى جانبولات ءاعادىلدى پىشاقتاپ ءولتىرىپ كەتكەنى حابارلاندى. بۇل اقپاراتتى نۇر-سۇلتان قالالىق پوليسيا دەپارتامەنتىنىڭ باسپا ءسوز قىزمەتى راستاپ، مالىمدەمە جاسادى.
"10 قاراشادا ساعات 22.56-دا 102 نومەرىنە نۇر-سۇلتان قالاسى كوكتال ىقشاماۋدانى بولاشاق كوشەسىنىڭ بويىندا جاپپاي توبەلەستىڭ بولعانى تۋرالى حابار ءتۇستى. وقيعا ورنىنا كەلگەن پوليسيا قىزمەتكەرلەرى جاس جىگىتتەر اراسىندا جانجال بولىپ، ارتى توبەلەسكە ۇلاسقانىن انىقتاعان. سالدارىنان ەكى ادام دەنە جاراقاتىن العان. ونىڭ ءبىرى 17 جاستاعى ج.ءاعادىل اياعىنان جارالانىپ، جەدەل جاردەم كولىگى كەلگەنگە دەيىن سول جەردە قايتىس بولدى.
اتالعان دەرەك بويىنشا قازاقستان قىلمىستىق كودەكسىنىڭ 99-باپ 2ء-بولىمى (ادام ءولتىرۋ) جانە 293-باپ 3ء-بولىمى (بۇزاقىلىق) بويىنشا قىلمىستىق ءىس قوزعالدى.
وقي وتىرىڭىز: جانبولات ءاعادىلدىڭ دوسى: جاقسى جىگىت ەدى
قازىرگى ۋاقىتتا جانجال قاتىسۋشىلارىن انىقتاۋ ماقساتىندا تەرگەۋ جۇرگىزىلىپ جاتىر. ۇستالعاندار تەرگەلۋدە. تەرگەۋ ناتيجەسى بويىنشا ءار ادامنىڭ ارەكەتىنە قۇقىقتىق باعالاۋ بەرىلەدى. تەرگەۋ جالعاسۋدا" دەلىنگەن پوليسيا دەپارتامەنتى تاراتقان حابارلامادا.
تاعى وقىڭىز:
♦ ءاعادىلدىڭ اناسى: بىرەۋ اتىپ كەتتى دەيدى، بىرەۋ پىشاقتاعان دەيدى
پىكىر قالدىرۋ