ق ر قۇتقارۋشىلار كۇنىنە 25 جىل تولۋىنا وراي الماتىدا ەكى ءورت ءسوندىرۋشى بولىمىندە قايتىس بولعان ءورت سوندىرۋشىلەر مەن قۇتقارۋشىلاردىڭ ەسكەرتكىشىنە گۇل شوقتارى قويىلدى.
سالتاناتتى شارا بارلىق ەپيدەميولوگيالىق تالاپتاردى ساقتاي وتىرىپ جۇرگىزىلدى.
توتەنشە جاعدايلار دەپارتامەنتىنىڭ باسشىسى سەرىك اۋباكىروۆ باستاعان گارنيزون قىزمەتكەرلەرى قازا بولعانداردى 1 مينۋت ۇنسىزدىكپەن ەسكە الدى.
«بۇگىنگى كۇن - ناعىز باتىرلاردىڭ مەرەكەسى. ولار قيىندىققا تاپ بولعان ادامداردىڭ سوڭعى ءۇمىتى دەسەك تە بولادى»،- دەدى دەپارتامەنت باسشىسى.
جىل باسىنان بەرى ءورت سوندىرۋشىلەر مەن قۇتقارۋشىلار توتەنشە جاعداي ايماعىنان 150 ادامدى ءقاۋىپسىز جەرگە الىپ شىققان. 400 ءورت ءسوندىرىلىپ، 27 ادامنىڭ ءومىرى قۇتقارىلدى.
الماتى تاريحىندا قالعان ەڭ ۇلكەن ءورت 1989 جىلدىڭ 20 مامىرىندا بولعان.
الماتى II تەمىر جول ستانساسىندا سۇيىلتىلعان گازدىڭ ەكى سيستەرناسىنا جيھاز تيەلگەن تەمىر جول ۆاگوندارى كەلىپ سوعىلعان ەدى. ءورتتىڭ سوڭى جارىلىسقا ۇلاستى.
ورتەنگەن الىپ شاردىڭ ىشىندە 9 ءورت ءسوندىرۋشى ومىرىمەن قوش ايتىستى:
- ءشارىپوۆ فريد،
- اققۇلوۆ قۇرالحان،
- سافارگالييەۆ يلشات،
- نيكۋلەنكو ۆلاديمير،
- ابدرانوۆ يسلام،
- قاسىموۆ راسۋل،
- ماليكوۆ ميحايل،
- الىمتايەۆ سەيىل،
- ىسقاقوۆ ەركىن.
ءورت سوندىرۋشىلەردىڭ ەرلىگىنىڭ ارقاسىندا ءتىلسىز جاۋ باسقا گاز سيستەرنالارىنا جايىلمادى.
1990 جىلى 3 قاڭتاردا الماتى گارنيزونى ىشكى قىزمەت سەرجانتى بالابەك احمەدوۆتان، 2002 جىلى پاۆەل گوليادكيننەن ايرىلىپ قالدى.
