الماتى قالاسىنىڭ وڭىرلىك كوممۋنيكاسيالار قىزمەتى مەگاپوليستىڭ بارلىق تۇرعىندارى مەن قوناقتارىن COVID-19 ۆيرۋسىنا قارسى كۇرەس شارالارىن تانىمال ەتۋ جونىندەگى الەۋمەتتىك جوباعا قاتىسۋعا شاقىرادى.

جوبانىڭ ماقساتى - كوروناۆيرۋستىڭ جاڭا تولقىنى، رەسپيراتورلىق اۋرۋلاردىڭ ءوسۋ ءقاۋپى قارساڭىندا تۇرعىندارعا سانيتارلىق نورمالاردى، اسىرەسە ماسكا رەجيمىن ساقتاۋدىڭ ماڭىزى، پاندەميامەن كۇرەستە الدىڭعى قاتاردا تۇرعان جانداردىڭ (مەديسينا قىزمەتكەرلەرى، ەپيدەميولوگتار، پوليسيا قىزمەتكەرلەرى، ەرىكتىلەر جانە باسقا) جۇمىسىنىڭ قۇندىلىعى جانە ولاردىڭ دەنساۋلىعى ءۇشىن جاۋاپكەرشىلىك تۋرالى ەسكە سالۋ.

«كەز كەلگەن ادام قالانىڭ كوروناۆيرۋسپەن كۇرەسىنە دەگەن كوزقاراسىن بىلدىرەتىن 5 فوتوسۋرەتكە دەيىن نەمەسە باسقا گرافيكالىق سۋرەتتەردى (كاريكاتۋرا، يلليۋستراسيالار) جىبەرە الادى. جىبەرىلگەن فوتوسۋرەتتەردىڭ ساپاسى كەمىندە 300 dpi بولۋى كەرەك» دەلىنگەن اكىمدىك تاراتقان اقپاراتتا.

جوبا مىنا كەزەڭدەردەن تۇرادى:

– جوباعا قاتىسۋعا ءوتىنىم (وعان جۇمىستاردى جىبەرۋ، ءاتى-جونى جانە بايلانىس دەرەكتەرى كىرەدى)؛

– جۇمىستاردى ىرىكتەۋ، قالانىڭ 8 اۋدانى اۋماعىندا فوتوونىمدەردى ورنالاستىرۋ؛

– قورىتىندى شىعارۋ جانە ۇزدىك جۇمىستاردىڭ اۆتورلارىن ماراپاتتاۋ (بايلانىسسىز فورماتتا).

بەرۋ فورماتتارى:

– JPEG؛ – ەڭ از رۇقسات ەتىلگەنى 300 dpi؛

– ەڭ ۇلكەن مولشەرى 10 مب ارتىق ەمەس.

ءوتىنىم 25 قازانعا دەيىن قابىلدانادى. جۇمىستاردى photovystavka@mail.ru ەلەكتروندى پوشتاسىنا نەمەسە الماتى قالاسى وڭىرلىك كوممۋنيكاسيالار قىزمەتىنىڭ پوشتاسىنا info@rsk.almaty.kz پوشتاسىنا جولداۋ قاجەت.