الماتىدا «ۇلى دالانىڭ ۇلتارالىق ءتىلى» اتتى ءى رەسپۋبليكالىق كونگرەسس بارىسىندا وزگە ۇلت وكىلدەرى ءتىل ۇيرەنۋ تاجىريبەسىمەن ءبولىستى.
بۇگىنگى وفلاين كەزدەسۋگە مەملەكەتتىك ءتىلدى ەركىن مەڭگەرگەن 14 ەتنوس وكىلى قاتىستى. ولاردىڭ اراسىندا ورىس، ازەربايجان، بەلارۋس، ارميان، نەمىس، ۋكراين، شەشەن، كۇرد، ۇيعىر ۇلتىنىڭ جاستارى بار. شارا مەملەكەتتىك تىلدە ءوتتى.
قازاقستان حالقى اسسامبلەياسىنىڭ مۇشەسى نارگيزام ماحمۋدوۆانىڭ ايتۋىنشا، مەملەكەتتىك ءتىلدى ۇيرەتۋ بالاباقشادان باستالۋى ءتيىس.
«مەنىڭ ويىمشا، قازىرگى تاڭدا قازاقستاندا ءومىر سۇرەتىن ءاربىر ازامات پەن ازاماتشانىڭ مەملەكەتتىك ءتىلدى ءبىلۋى – پارىز دەپ ەسەپتەيمىن. قاي ۇلت بولماسىن، مەملەكەتتىك ءتىلدى ءبىلۋى اسا ماڭىزدى. مەملەكەتتىك ءتىلدى دامىتۋ بەسىكتەن دەسەك، بالاباقشادا مەملەكەتتىك ءتىلدى دامىتۋعا اسا ءمان بەرىلۋى قاجەت. سونىڭ ناتيجەسىندە ول ەسەيىپ، مەملەكەتتىك قىزمەتكە كىرىسكەن ساتىندە قازاق ءتىلىن مەڭگەرۋدەن قيىندىق كورمەيتىنى ءسوزسىز. ولاردىڭ مارتەبەسى دە ۇستەم بولاتىنى انىق»،– دەيدى نارگيزام ماحمۋدوۆا.
جيىنعا قاتىسۋشى ەلنارا تاشانوۆانىڭ پىكىرىنشە، ءتىل مەڭگەرۋدە ارنايى ادىستەمەلىك توپتاما ازىرلەۋ قاجەت.
«قازىرگى تەحنيكا دامۋ زامانىندا ءارتۇرلى تاقىرىپ اياسىندا چات-بوتتار مەن مارافوندار ۇيىمداستىرىلۋدا. وسى جۇيەدە ءتىل توڭىرەگىندە دە ونلاين توپتار ۇيىمداستىرىپ، ادامداردى قىزىقتىرسا، قازاق ءتىلىن ۇيرەنۋگە دە قىزىعۋشىلىق پەن سۇرانىس وسەر ەدى . ءبىراق، ءتىلدى مەڭگەرگەن دەڭگەيى ءارتۇرلى بولعاندىقتان، كىشكەنە قيىنشىلىقتار تۋىپ جاتادى. سوندىقتان، مەنىڭ ويىمشا قازاق ءتىلىن وقىتۋدا ءتىلدى مەڭگەرۋ دەڭگەيىنە ءبولۋ كەرەك شىعار. سوندا ءار دەڭگەيدەگى ادامدارعا بەلگىلى ءبىر ادىستەمەلىك ۇستانىمدار دايىنداۋعا جەڭىلىرەك بولار ەدى. ماسەلەن اعىلشىن ءتىلىن مەڭگەرگەندىگىن ا1، ا2ب ۆ1، ۆ2،س1، س2 دەڭگەيلەرى ارقىلى كورسەتىلەدى، وسى جۇيەدە جۇمىس جاساساق بولادى.قازاق ءتىلىن ۇيرەنۋگە جانە سول تىلدە وقىتۋعا كەلەتىن بولساق، ءتىلىمىزدىڭ گرامماتيكاسىن، لەكسيكاسىن جانە ورفوگرافياسىن دامىتۋعا ارنالعان ءبىرىنعاي جول بولماعاندىقتان، وسى ءتىل وقۋ تۇرعىسىنان كۇردەلى قابىلدانادى»،– دەيدى ەلنارا تاشانوۆا.
كونگرەسستە ءاربىر قاتىسۋشى ءوزىن تانىستىرىپ، قازاق ءتىلىن ۇيرەنۋگە قاتىستى ويلارىن كەزەكپەن ورتاعا سالدى.
پىكىر قالدىرۋ