الماتىدا «Telli Gallery» زالىندا بريتان فوتوگرافى مەندي باركەردىڭ «پلاستيككە تولى پلانەتا» ەكو-كورمەسى ءوتىپ جاتىر.

مەندي باركەر – كوپتەگەن ماراپاتقا يە بولعان حالىقارالىق فوتوگراف.

ونىڭ تەڭىز تۇبىندەگى پلاستيك تاقىرىبىنا تۇسىرگەن سۋرەتتەرى سوڭعى 10 جىلدا الەمدىك ونەرسۇيەر قاۋىم تاراپىنان جوعارى باعا الىپ كەلەدى.

«Telli Gallery» زالىنداعى كورمە دە جاھاندىق تاقىرىپ – ەكولوگيانىڭ لاستانۋىن كوتەرەدى.

كورمەدە كارتينالاردان بولەك الەمنىڭ كارتاسى ورناتىلعان. وندا بالالارعا قوقىستى دۇرىس سۇرىپتاۋ تۋرالى ويىن تۇرىندە اقپارات بەرىلگەن.

مەندي باركەر الەمنىڭ 40 ەلىندە: بۇۇ شتاب پاتەرىنەن باستاپ موڭعولياعا دەيىن كورمە ۇيىمداستىرعان.

باركەر «Prix Pictet Award SPACE 2017» سىيلىعىنىڭ شورت پاراعىنا ەنگەن، «Deutsche Borse Foundation Photography Prize 2020» قورى سىيلىعىنىڭ لاۋرەاتى.

كورمە جىل سوڭىنا دەيىن 10:00-20:00 ارالىعىندا اشىق بولادى. كىرۋ تەگىن.