الماتى اكىمى باقىتجان ساعىنتايەۆ ومىرلىك قيىن جاعدايعا تاپ بولعان ايەلدەردى الەۋمەتتىك قولداۋ ورتالىقتارىنىڭ وزگەرتەتىنى تۋرالى ايتتى.
اكىم Instagram پاراقشاسىندا بىلتىر ءار اۋداندا «باقىتتى وتباسى» الەۋمەتتىك قولداۋ ورتالىقتارىن اشۋ باستى ماقسات بولعانىن ەسكە سالدى. مۇندا ايەلدەر اراسىنداعى كاسىپكەرلىكتى دامىتۋعا باسا نازار اۋدارىلدى. ءىس جۇزىندە ولار كوپبالالى انالارعا ارنالعان ىسكەرلىك بەلسەندىلىكتىڭ ورتالىعىنا اينالۋى ءتيىس بولدى.
«Isker Ana باعدارلاماسى بويىنشا بيزنەس داعدىلارىنا ۇيرەتۋدى باستاپ، يننوۆاسيالىق جوبالاردى ىسكە قوسۋ ءۇشىن گرانتتار ۇسىندىق. اقمارال باسيروۆا قۇرعان الاتاۋ اۋدانىنىڭ «باقىتتى وتباسى» ورتالىعى ءبىر جىلدىڭ ىشىندە الماتىنىڭ وزگە اۋداندارى ءۇشىن عانا ەمەس، ەلىمىزدىڭ باسقا وڭىرلەرى ءۇشىن دە ۇلگى بولا ءبىلدى»، - دەپ جازدى ب. ساعىنتايەۆ.
ونىڭ ايتۋى بويىنشا مۇندا ايەلدەرگە تەك كەڭەس بەرىلىپ قانا قويمايدى. قيىن جاعدايعا تاپ بولعان ايەلدەردىڭ وزدەرىنە قايتا سەنۋىنە، وزدەرىنە ۇنايتىن نارسەنى تاڭداپ، ءومىر سالتىن تولىعىمەن وزگەرتۋلەرىنە كومەكتەسەدى. انالار ءوز مىسالىندا بالالارعا ءوز ەڭبەگىمەن اقشا تابۋعا بولاتىنىن كورسەتەدى. كۇن سايىن مۇندا 150-گە جۋىق ايەل كەلەدى. ءبىر جىلدىڭ ىشىندە 25 مىڭ ايەل 31 باعىت بويىنشا ءتۇرلى كۋرستاردا ءبىلىم الدى.
الماتى اكىمى ءبىر جىل بۇرىن ورتالىققا باپكەر رەتىندە كەلگەن ءمولدىر جۇنىسبەكوۆانىڭ ءومىرىن مىسالعا كەلتىردى. ول 500-گە جۋىق ايەلدى وقىتسا، سونىڭ 200ء-ى بۇگىن جۇمىس تاپتى. ءتىپتى ولار جاڭا جۇمىس ورىندارىن قۇرۋدا.
الماتى اكىمى ءبىر جىل بۇرىن ورتالىققا باپكەر رەتىندە كەلگەن ءمولدىر جۇنىسبەكوۆانىڭ ءومىرىن مىسالعا كەلتىردى. ول 500-گە جۋىق ايەلدى وقىتسا، سونىڭ 200ء-ى بۇگىن جۇمىس تاپتى. ءتىپتى ولار جاڭا جۇمىس ورىندارىن قۇرۋدا.
«بجك-2025» بويىنشا 2،5 ملن تەڭگە كولەمىندە گرانتقا يە بولعان ءمولدىر 10 ايەل ەڭبەك ەتە الاتىن تىگىن سەحىنا ارنالعان جابدىقتى ساتىپ الدى.
بيىل جىل باسىنان بەرى الاتاۋ اۋدانىنىڭ «باقىتتى وتباسى» ورتالىعىندا 27 مىڭ ايەلگە «ىسكەر انا» باعدارلاماسى بويىنشا اقپاراتتىق-كونسۋلتاسيالىق-رەسۋرستىق قولداۋ كورسەتىلدى. ترەنينگتەر مەن كۋرستاردا 25 مىڭ ادام وقىدى.
سونىمەن قاتار، «بيزنەس باستاۋ» باعدارلاماسى بويىنشا 537 ايەل بىلىمدەرىن جەتىلدىردى. ولاردىڭ 300ء-ى گرانت الىپ، كيىم جوندەۋ، كونديتەر، شاشتاراز، مانيكيۋر سالوندارىن اشتى، بالالاردىڭ دامۋ كىتاپتارىن جاساپ، اۆتوكولىك مۇقابالارىن تىگىپ جانە باسقا دا سالالار بويىنشا وزدەرىنىڭ كاسىپتەرىن باستادى.
ەكى ايەل «بيزنەستىڭ جول كارتاسى-2025» اياسىندا يننوۆاسيالىق جوبالاردى ىسكە اسىرۋعا 2-دەن 5 ميلليون تەڭگەگە دەيىن مەملەكەتتىك گرانت الدى. ءوندىرىس شەبەرحانالارىن اشۋ ءۇشىن الاڭدار بەرىلىپ، ال ونىمدەرىن ساتۋ ءۇشىن بازارلاردان 50-گە جۋىق ورىن بولىنگەن.
