قازاقستان كوممۋنيستىك حالىق پارتياسىنىڭ اتاۋى وزگەرىپ، رەبرەندينگ جاسالدى. ەندى قكحپ «قازاقستاننىڭ حالىق پارتياسى» دەپ اتالاتىن بولادى، دەپ حابارلادى پارتيا حاتشىسى.

– ءبىز بيىل پارتيامىزدىڭ اتاۋىن وزگەرتىپ، رەبرەندينگ جاساۋدى ءجون كوردىك. بۇگىنگى پارتيانىڭ كەزەكتەن تىس XV سەزىنىڭ باستى جاڭالىعى، ءبىزدىڭ پارتيامىزدىڭ اتاۋىنىڭ «قازاقستاننىڭ حالىق پارتياسى» بولىپ وزگەرۋى. بۇل دەگەنىمىز كوممۋنيستىك يدەولوگيادان كەتۋ دەگەن ءسوز ەمەس، ءبىزدىڭ ەلىمىزدەگى الەۋمەتتىك ماسەلەلەرگە كوپ ءمان بەرۋىمىزبەن بايلانىستى. ەلىمىزدەگى شەشىلۋى ءتيىس ماسەلەلەردىڭ كوبى الەۋمەتتىك سالامەن بايلانىستى. تاعى ءبىر پارتيا مۇشەلەرىنىڭ قاتارىن كەڭەيتۋ، باعدارلامامىزدىڭ اياسىن كەڭەيتۋدى كوزدەيمىز. سونداي-اق، ءبىز پارتيالاردىڭ قاتارىندا جوق، ءبىراق وزىندىك يدەيالارى بار ازاماتتاردى ءوز پارتيامىزعا شاقىرامىز، – دەدى قكحپ-نىڭ حاتشىسى جامبىل احمەتبەكوۆ.

نۇر-سۇلتان قالاسىندا قازاقستان كوممۋنيستىك حالىق پارتياسىنىڭ كەزەكتەن تىس XV سەزى ءوتىپ جاتىر.