قازاقستان پرەزيدەنتى قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى اقوردا سايتى حابارلادى.
مەملەكەت باسشىلارى قازاقستان مەن رەسەي اراسىنداعى ىنتىماقتاستىقتىڭ وزەكتى ماسەلەلەرىن تالقىلاپ، ەكى ەلدىڭ حالىقارالىق ۇيىمدار مەن ينتەگراسيالىق بىرلەستىكتەر شەڭبەرىندەگى ءوزارا ىقپالداستىعى تۋرالى پىكىر الماسقان.
سونداي-اق تاۋلى قاراباقتاعى قالىپتاسقان جاعدايعا ەرەكشە نازار اۋدارىلعان.
"قاسىم-جومارت توقايەۆ ازەربايجان مەن ارمەنيانىڭ قاقتىعىس ايماعىنداعى سوعىستى جانە بارلىق اسكەري قيمىلداردى توقتاۋ تۋرالى كەلىسىمگە كەلۋىندە رەسەيدىڭ، سونىڭ ىشىندە، ۆلاديمير ءپۋتيننىڭ ارااعايىندىق قىزمەتىن جوعارى باعالادى.
– رەسەيدىڭ بەلسەندى ارالاسۋىمەن وسىعان دەيىنگى ۇزاق جىلدارعا سوزىلعان قاقتىعىستاردىڭ ءبىر بىتىمگە كەلۋىن قامتاماسىز ەتەتىن تاۋلى قاراباقتاعى سوعىستى توقتاتۋ تۋرالى جاسالعان كەلىسىمنىڭ ماڭىزى زور. مۇددەلى تاراپتار بىرلەسكەن مالىمدەمەنىڭ شارتتارىن ساقتايدى دەپ ۇمىتتەنەمىن، – دەدى قاسىم-جومارت توقايەۆ.
ەكى ەلدىڭ پرەزيدەنتتەرى قازاقستان مەن رەسەي اراسىنداعى ستراتەگيالىق جانە وداقتاستىق سيپاتىنداعى بايلانىستاردى ناقتىلادى" دەپ جازىلعان اقوردا سايتىندا.
پىكىر قالدىرۋ