جۇڭگو دەموكرات دجوزەف بايدەنگە پرەزيدەنت سايلاۋىنداعى جەڭىسىنە بايلانىستى قۇتتىقتاۋ جىبەردى، دەپ حابارلادى Deutsche Welle.
"ءبىز امەريكالىقتاردىڭ تاڭداۋىن قۇرمەتتەيمىز. بايدەن مىرزا مەن حارريس حانىمدى قۇتتىقتايمىز" دەلىنگەن قحر سىرتقى ىستەر مينيسترلىگىنىڭ جولداۋىندا.
سىرتقى ىستەر مينيسترلىگىنىڭ وكىلى ۆان ۆەنبين جۇڭگو "سايلاۋ ناتيجەسى اقش زاڭدارى مەن راسىمدەرىنە سايكەس انىقتالادى" دەپ تۇسىنەتىنىن ايتتى.
بۇعان دەيىن دجو بايدەن اقش-تاعى پرەزيدەنت سايلاۋىندا جەڭىسكە جەتكەنىن ايتقان بولاتىن. دەموكرات اقش-تاعى پرەزيدەنت سايلاۋىندا 284 داۋىسپەن جەڭىسكە جەتكەن بولاتىن.
قازاقستان پرەزيدەنتى قاسىم-جومارت توقايەۆ پەن تۇڭعىش پرەزيدەنت نۇرسۇلتان نازاربايەۆ دجو بايدەندى بىرىنشىلەردىڭ قاتارىندا قۇتتىقتاعان ەدى.
پىكىر قالدىرۋ