13 قاراشادا نۇر-سۇلتاندا باسپا، راديو جانە ينتەرنەت-جۋرناليستيكا سالاسىنداعى «ۇركەر – 2020» ۇلتتىق سىيلىعىنىڭ جەڭىمپازدارىن ماراپاتتاۋ ءراسىمى ءوتتى.
سالتاناتتى جيىندا 11 نوميناسيا بويىنشا مارتەبەلى جۋرناليستيكا سىيلىعىنىڭ جەڭىمپازدارى انىقتالدى:
- جىلدىڭ ۇزدىك فوتوسۋرەتى:
ساكەن دىلداحمەت، تاۋەلسىز ەكولوگيالىق شولۋشى
- جىلدىڭ ۇزدىك رەپورتاجى:
نۇرسۇلتان مىقتىبايەۆ، Kyzylorda-news.kz پورتالى
- جىلدىڭ ۇزدىك اناليتيكالىق ماتەريالى:
كايرات جاندىبايەۆ، Strategy2050.kz پورتالى
- جىلدىڭ ۇزدىك جۋرناليستىك زەرتتەۋى:
ميحايل كوزاچكوۆ، «ۆرەميا» گازەتى
- جىلدىڭ ۇزدىك سۇحباتى:
گۋلبارشىن سابايەۆا، «Egemen Qazaqstan» گازەتى
- جىلدىڭ ۇزدىك تانىمدىق ماتەريالى:
تيمۋر نيتالييەۆ، Sputnik كازاحستان اقپاراتتىق اگەنتتىگى
- راديوستانسياداعى ۇزدىك جوبا:
«Atyray» راديوستانسياسىنداعى «ەفيردە 102 FM» باعدارلاماسى
- جىلدىڭ ۇزدىك جاڭالىقتار پورتالى:
TengriNews پورتالى
- جىلدىڭ ۇزدىك گازەتى:
«AQ JOL» گازەتى
- جىلدىڭ ۇزدىك جۋرنالى:
«جۇلدىز» جۋرنالى
- شەرحان مۇرتازا اتىنداعى نوميناسيا:
قاينار ولجاي، قازاقستاننىڭ ەڭبەك سىڭىرگەن قايراتكەرى، پۋبليسيست
بارلىق فيناليستەرگە جەڭىمپاز سەرتيفيكاتى، «ۇركەر» ەستەلىك مۇسىنشەسى جانە ءبىر ميلليون تەڭگە اقشالاي سىي تابىستالدى.
كورەرمەندەر ماراپاتتاۋ ءراسىمىن تىكەلەي ەفيردە urker-awards.kz رەسمي سايتىنان كورۋگە مۇمكىندىك الدى.
«ۇركەر» ۇلتتىق سىيلىعى 2017 جىلدان باستاپ، بيىل ءتورتىنشى رەت وتكىزىلىپ وتىر. وتىنىمدەر 2020 جىلدىڭ 2 قازانىنان 5 قاراشاسىنا دەيىن قابىلداندى. جالپى، قاتىسۋشىلاردان 470 ءوتىنىم كەلىپ ءتۇستى. ۇزدىك جۇمىستار ءادىلقازىلار مۇشەلەرىمەن تاڭدالدى، ولاردىڭ قۇرامىنا بەدەلدى قايراتكەرلەر، شىعارماشىلىق زيالى قاۋىم وكىلدەرى جانە تانىمال قازاقستاندىق جۋرناليستەر كىردى.
ۇلتتىق سىيلىقتى ۇيىمداستىرۋشى - قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى. ءىس-شاراعا «قازاقستان» رترك مەن «حابار» اگەنتتىگى» اق دەمەۋشىلىك جاسادى.
پىكىر قالدىرۋ