قازاق باسپاسوزىندە اقش پرەزيدەنتى سايلاۋى تۋرالى شىندىققا مۇلدە ساي كەلمەيتىن فەيك اقپاراتتار تارالىپ، حالىقارالىق جاڭالىقتاردىڭ شىن-وتىرىگىن انىقتاماي جاريالاۋ كورىنىس بەرۋدە.
مىسالى، Kznews.kz سايتى "دجو بايدەن اقش پرەزيدەنتى بولۋ قۇقىعىنان باس تارتتى" دەگەن تاقىرىپپەن جاڭالىق جاريالاعان. قازاقستاندىق سايت رەسەيلىك "ۆزگلياد" باسىلىمىنا سىلتەمە جاساپ حابارلاعانىمەن، جاڭالىقتىڭ مازمۇنىندا تاقىرىبى ايتقانداي "دجو بايدەننىڭ پرەزيدەنتتىكتەن باس تارتقانى" تۋرالى ەشقانداي ءسوز نەمەسە تىركەس جوق.
وعان قوسا، امەريكالىق، بريتانيالىق، ءتىپتى، اۆستراليالىق نەمەسە تاعى باسقا اعىلشىن ءتىلدى باسىلىمداردا مۇنداي مازمۇندا ەشقانداي اقپارات جاريالانباعان.
ال اقش-تىڭ فەدەرالدىق سايلاۋ شەنەۋنىكتەرى پرەزيدەنت دونالد ترامپتىڭ الاياقتىق شاعىمىن قابىلداماي، 2020 جىلعى پرەزيدەنت سايلاۋىنا داۋىس بەرۋدى "امەريكا تاريحىنداعى ەڭ ءقاۋىپسىز" دەپ مالىمدەگەن.
BBC بايدەننىڭ داۋىستارى ترامپتان ءتىپتى دە اسىپ بارا جاتقانىن حابارلادى.
پىكىر قالدىرۋ