قىرعىزستان پرەزيدەنتىنىڭ مىندەتىن اتقارۋشى، پرەمەر-مينيستر سادىر جاپاروۆ ورتالىق سايلاۋ كوميسسياسىنا مەرزىمىنەن بۇرىن پرەزيدەنت سايلاۋىنا قاتىسۋ تۋرالى حابارلاما جىبەردى. بۇل تۋرالى 24.kg جازدى. 

اگەنتتىكتىڭ دەرەگىنشە، زاڭعا سايكەس سايلاۋ ناۋقانى كەزەڭىندە جاپاروۆ پرەزيدەنت وكىلەتتىگىنەن كەتۋگە مىندەتتى. ال سول مىندەتىن اتقارۋشى اتاۋى پارلامەنت سپيكەرى تالانت مامىتوۆقا وتۋگە ءتيىس. سايكەسىنشە مامىتوۆتىڭ ءبىرىنشى ورىنباسارى ارتەم نوۆيكوۆ پرەمەر-مينيستردىڭ مىندەتىن اتقارادى.

پرەزيدەنتتىككە ۇمىتكەرلەر ءتىزىمى دە بەلگىلى بولدى. ءوتىنىش بىلدىرگەندەردىڭ ىشىندە زاعيپ اقىن تەمىرلان ورمۋكوۆ، ىشكى ىستەر ءمينيسترىنىڭ ەكس-ورىنباسارى كۋرسان اسانوۆ، "MZF Group" ج ش س باس ديرەكتورى، ەكس-ومبۋدسمەن تۇرسۇنباي باكىر ۇلى، بۇرىنعى ادىلەت ءمينيسترى مارات قايىپوۆ، №44 مەكتەپتىڭ ءمۇعالىمى قاراگاچ يسمايلوۆا جانە جۇمىسسىز جۇرگەن ەربول توقتوگۋلوۆ بار.

بۇعان دەيىن پرەزيدەنت سايلاۋىنا قاتىسۋ تۋرالى حابارلامالاردى وسك-عا "بۋتۋن قىرعىزستان" پارتياسىنىڭ جەتەكشىسى اداحان مادۋماروۆ، ايگىلى "قىس بولمايدى" مەمىنىڭ اۆتورى ارستان الاي، ەكونوميست كۋبان چورويەۆ، بەلسەندى نازاربەك نىشانوۆ، جالال-اباد وبلىسىنىڭ بۇرىنعى گۋبەرناتورى بەكتۋر اسانوۆ، قانات يسايەۆ، زەينەتكەر ابدىكاار سىدىقوۆ، "ۇلۋتمان" ساياسي پارتياسىنىڭ جەتەكشىسى سازىقباي تۋردۋمالييەۆ، بەلسەندى نۇرلان موتۋيەۆ، "وشگاز" فيليالىنىڭ بۇرىنعى باسشىسى راشيد تاگايەۆ، "تولۋباي" اق ديرەكتورلار كەڭەسىنىڭ كەڭەسشىسى جەڭىسبەك بايعۋتتييەۆ، كونستيتۋسيالىق پالاتانىڭ جانە سامارانىڭ كونستيتۋسيالىق پالاتاسىنىڭ بۇرىنعى سۋدياسى ايمەن قاسەنوۆ جازعان بولاتىن.

قىرعىزستان رەسپۋبليكاسىنداعى ەڭ جوعارى مەملەكەتتىك لاۋازىمعا ۇمىتكەرلەردەن وتىنىشتەردى قابىلداۋ مەرزىمى بۇگىن اياقتالدى.