وبلىستاعى مەكتەپتەردىڭ قاتارى تاعى ءبىر زامانۋي ءبىلىم وشاعىمەن تولىعىپ، تەمىر اۋدانىندا قىزىلجار ورتا مەكتەبى پايدالانۋعا بەرىلدى.
جاڭادان ىسكە قوسىلعان ءبىلىم شاڭىراعىنىڭ اشىلۋ سالتاناتىنا وبلىس اكىمى وڭداسىن ورازالين قاتىسىپ، تۇرعىندار قۋانىشىنا ورتاقتاستى
اۋدان ورتالىعىنىڭ شەتىندە كەيىنگى جىلدارى جاڭا تۇرعىن ۇيلەرلەردىڭ پايدا بولۋىمەن بىرگە الەۋمەتتىك نىساندارعا دەگەن قاجەتتىلىك تە تۋىنداعان بولاتىن. 

وسى ءبىلىم ۇياسىنىڭ قولدانىسقا بەرىلۋى - سونىمەن قاتار وبلىستاعى ءۇش اۋىسىمدى مەكتەپتەردىڭ ماسەلەسىن شەشۋگە دە سەپتىگىن تيگىزدى.
بۇل - اۋدان ورتالىعى شۇبارقۇدىق كەنتىندە سوڭعى 30 جىلدان بەرى تۇڭعىش رەت جاڭادان بوي كوتەرگەن ءبىلىم ورداسى. 320 ورىندىق مەكتەپتىڭ جانىندا 60 ورىندىق ينتەرناتى بار.
پايدالانۋعا بەرىلگەن ءبىلىم ورداسىنا 1 ملرد. تەڭگە جۇمسالعان، مەردىگەر مەكەمە - "سپارتا ي كو" ج ش س. 
3 قاباتتى مەكتەپ عيماراتى سوڭعى زاماناۋي ۇلگىدەگى كابينەتتەرمەن جابدىقتالعان، بەينەباقىلاۋ ورناتىلعان، ينتەرنەت جەلىسىنە قوسىلۋعا مۇمكىندىگى بار.
جالپى وبلىستا اپاتتى جانە ءۇش اۋىسىمدى مەكتەپتەردى قىسقارتۋ، وقۋشى ورىندارىنىڭ تاپشىلىعىن تومەندەتۋ باعىتىندا نىسانالى جۇمىستار جاسالۋدا.
اعىمداعى جىلى 5875 ورىنعا ارنالعان 20 مەكتەپ قۇرىلىسى جۇرگىزىلۋدە. اتالعان ماقساتقا 6،4 ملرد. تەڭگە ءبولىندى (جالپى ماقساتتاعى ترانسفەرت – 3،7 ملرد. تگ.، جقجك -2،1 ملرد. تگ، جب-0،6 ملرد.تگ).
سالىنىپ جاتقان 20 مەكتەپ 10 ءۇش اۋىسىمدى، 5 ورىن تاپشىلىعى بار، 3 ەسكى جانە 1 اپاتتى مەكتەپ ماسەلەسىن شەشۋگە مۇمكىندىك بەرەدى.
2020-2021 جاڭا وقۋ جىلىنا 1 («راۋان» تۇرعىندار ماسسيۆىندەگى №74 مەكتەپ) مەكتەپ پايدالانۋعا بەرىلدى.