وتكەن ايدا "F-5" ۇشاعى اپاتقا ۇشىراعاننان كەيىن تايۆان اسكەري-اۋە كۇشتەرىنىڭ باسشىسى وزگە "F-5"  ۇشاقتارىنا سىناق جاسادى. قىتايمەن شيەلەنىس كۇشەيە تۇسكەن كەزدە، تايۆانداعى "F-5" رەاكتيۆتى ۇشاقتارىنىڭ بارلىعى جەرگە قوندىرىلىپ، تەكسەرۋدەن ءوتتى.

– مەن "F-5"ء-تىڭ ۇشۋى ءقاۋىپسىز دەپ سانايمىن، – دەدى اسكەري-اۋە كۇشتەرى قولباسشىسى سيان حۋ چي.

تايۆاندى جۇڭگو ءوزىنىڭ پروۆينسياسى دەپ سانايدى جانە ونى كۇشپەن قايتارىپ الۋدى جوققا شىعارمايدى، بۇل ارالدىڭ اۋە كەڭىستىگىندە شيەلەنىسكە اكەلەدى. سوڭعى جىلدارى ساي ينگ-ۆەن تايۆان پرەزيدەنتى بولىپ سايلانعاننان كەيىن قىتايمەن شيەلەنىس كۇشەيە ءتۇستى.

قازان ايىنىڭ باسىندا تايۆان قورعانىس ءمينيسترى "قاڭتاردان باستاپ اۋە كۇشتەرى شامامەن 3000 رەت قىتايلىق ۇشاقتارمەن بەتپە-بەت كەلدى" دەپ مالىمدەدى.

اسكەري-اۋە كۇشتەرىنىڭ قولباسشىسى حسيۋنگ سەنبىدە 40 مينۋتتىق سىناق رەيسىندە ەكى ادامدىق رەاكتيۆتى ۇشاقپەن ۇشتى.

– مەن "F-5"ء-تىڭ سەنىمدى ەكەنىن جانە اۋە كۇشتەرى اسكەري قىزمەتشىلەرىمىزدىڭ اسپانىمىزدى قورعاۋعا دەگەن ەرىك-جىگەرىن وتانداستارىمىزعا كورسەتۋ ءۇشىن سىناق رەيسىنە قاتىستىم، – دەپ كەلتىردى ونىڭ ءسوزىن اسكەري جاڭالىقتار اگەنتتىگى.

ول 40 جىلدان ارتىق تاريحى بار رەاكتيۆتى F-5 ۇشاقتارى الەمنىڭ 26 ەلىندە ءالى دە قولدانىلىپ جۇرگەنىن ايتتى.

29 قازاندا  "F-5" ۇشاعىنىڭ ءبىر ورىندىق نۇسقاسى اپاتقا ۇشىراعان بولاتىن. جاتتىعۋ ميسسياسى كەزىندە، ۇشىپ شىققاننان كەيىن كوپ ۇزاماي ۇشاقتا مەحانيكالىق اقاۋ شىققان.