قازاقستان gرەزيدەنتى قاسىم-جومارت توقايەۆ كينو جانە تەاتر ونەرىنىڭ مايتالمان اكتەرى، حالىق ءارتىسى، قازاقستاننىڭ ەڭبەك ەرى ءاسانالى ءاشىموۆتى ميلليونداعان كورەرمەننىڭ ىقىلاسىنا بولەنگەن «اتاماننىڭ اقىرى» كوركەم ءفيلمىنىڭ تۇسىرىلگەنىنە 50 جىل تولۋىنا وراي قۇتتىقتادى، دەپ جازادى Qamshy.kz اقپارات اگەنتتىگى اق وردانىڭ باسپا ءسوز قىزمەتىنە سىلتەمە جاساپ. 

مەملەكەت باسشىسى دارىندى رەجيسسەر شاكەن ايمانوۆتىڭ جانە ۇلكەن شىعارماشىلىق ۇجىمنىڭ بىرلەسكەن كۇش-جىگەرىنىڭ ارقاسىندا ومىرگە كەلگەن بۇل تۋىندىنىڭ وتاندىق كينو ونەرى سالاسىندا الاتىن ورنى ايرىقشا ەكەنىن اتاپ ءوتىپ، ونى دەتەكتيۆ جانرىندا تۇسىرىلگەن العاشقى ءفيلمنىڭ ءبىرى دەپ باعالادى.

پرەزيدەنتتىڭ قۇتتىقتاۋ حاتىندا «اتاماننىڭ اقىرى» ءفيلمى تاريحي دەرەكتەرگە نەگىزدەلگەن شىتىرمان وقيعالارعا تولى ەكەنى، سول زاماننىڭ وسكەلەڭ ۇرپاعىن وتانسۇيگىشتىككە، ەلدى قورعاۋ ءۇشىن جانقيارلىقپەن كۇرەسۋگە تاربيەلەگەنى تۋرالى ايتىلعان.

«ءوزىڭىز اتالعان كينوتۋىندىدا چەكيست قاسىمحان شادياروۆ ءرولىن وتە عاجاپ سومداپ شىقتىڭىز. ارپالىسقا تۇسكەن قوعامدا جاۋاپتى قىزمەتكەردىڭ وزىنە جۇكتەلگەن قۇپيا تاپسىرمانى ورىنداۋ جولىنداعى باتىرلىق پەن قايسارلىق تانىتقان ىس-ارەكەتىن شىنايى كورسەتە ءبىلدىڭىز. ءسىزدى اسا كورنەكتى اكتەر رەتىندە كسرو عانا ەمەس، بۇكىل الەمدىك كينەماتوگرافيا قاۋىمداستىعى مويىندادى. سونىمەن قاتار قازاقستاندىق ايگىلى ارتىستەر ەلۋباي ءومىرزاقوۆ، نۇرمۇحان ءجانتورين جانە التىناي ەلەۋوۆا دا وزدەرى سومداعان رولدەرىن ۇلكەن شەبەرلىكپەن ورىنداي ءبىلدى»، – دەپ جازىلعان قۇتتىقتاۋ حاتتا.

سونىمەن قاتار vەملەكەت باسشىسى حالىق ارتىسىنە الداعى ۋاقىتتا دا وتاندىق كينو مەن تەاتر ونەرىن جانە حالقىمىزدىڭ رۋحاني بايلىعىن دامىتۋ جولىنا ءوز ۇلەسىن قوسىپ، ەلدىڭ ايرىقشا قۇرمەتىنە بولەنە بەرۋىنە تىلەكتەستىك بىلدىرگەن.

قۇتتىقتاۋ سوڭىندا قاسىم-جومارت توقايەۆ ءاسانالى اشىموۆكە زور دەنساۋلىق، ۇزاق عۇمىر، وتباسىنا قۇت-بەرەكە تىلەدى.