تۇڭعىش پرەزيدەنت نۇرسۇلتان نازاربايەۆ كسرو حالىق ءارتىسى ارمەن دجيگارحانياننىڭ قايتىس بولۋىنا بايلانىستى مارقۇمنىڭ تۋىستارىنا كوڭىل ايتۋ جەدەلحاتىن جولدادى. بۇل تۋرالى ەلباسى سايتى حابارلادى.
"نازاربايەۆ كورنەكتى مادەنيەت قايراتكەرى، اكتەر ارمەن دجيگارحانياننىڭ قايتىس بولعانى تۋرالى حاباردى كۇيزەلىسپەن قابىلدادى. ەلباسى ا.دجيگارحانيان بار عۇمىرىن ونەرگە ارناپ، ءوزىنىڭ تالانتى مەن كاسىبي شەبەرلىگىنىڭ ارقاسىندا ميلليونداعان كورەرمەننىڭ قۇرمەتى مەن ىستىق ىقىلاسىنا بولەنگەنىن اتاپ ءوتتى" دەپ جازىلعان جەدەلحاتتا.
سونداي-اق ەلباسى ارمەن دجيگارحانياننىڭ جارقىن بەينەسى جۇرتشىلىق جادىندا ءاردايىم ساقتالاتىنىنا سەنىم ءبىلدىردى.
ەسكە سالا كەتەيىك، قاراشانىڭ 14 كۇنى كسرو-نىڭ حالىق ءارتىسى ارمەن دجيگارحانيان 86 جاسقا قاراعان شاعىندا قايتىس بولدى.
پىكىر قالدىرۋ