2020 جىلدىڭ ءساۋىر-قازان ايلارى ارالىعىندا قازاقستان رەسپۋبليكاسى ۇلتتىق قاۋىپسىزدىك كوميتەتى شەتەلدەن قازاقستانعا سينتەتيكالىق ەسىرتكى جەتكىزۋدى، سونداي-اق ولاردى جاساۋدى جانە “بورات24” ينتەرنەت-دۇكەنى ارقىلى ساتۋدى جۇزەگە اسىرعان ترانسۇلتتىق قىلمىستىق توپ ارەكەتىنىڭ جولىن كەسۋ بويىنشا اۋقىمدى وپەراسيا وتكىزدى، دەپ حابارلايدى Qamshy.kz اقپارات اگەنتتىگى ق ر ۇقك باسپا ءسوز قىزمەتىنە سىلتەمە جاساپ.

ترانسۇلتتىق ەسىرتكى قۇرىلىمىنا قاتىسۋشى 34 ۇستالىپ، 8 ەسىرتكى زەرتحاناسى جويىلدى. ەلىمىزدىڭ ءىرى مەگاپوليستەرى – نۇرسۇلتان، الماتى مەن شىمكەنتكە كونتراباندالىق جولمەن اكەلىنگەن 40 كگ پسيحوتروپتىق زات الىندى. الىنعان ەسىرتكىنىڭ قارا نارىقتاعى بولشەك قۇنىنىڭ بولجامدى باعاسى 600 ملن تەڭگەنى قۇرايدى (80 مىڭ مولشەرلەمە).

ودان باسقا، "بيتكويندار" ساتىپ الۋ جانە ولاردى شەتەلگە شىعارۋ بويىنشا قارجى وپەراسيالارىن جۇزەگە اسىرۋ جولىمەن ەسىرتكى ساتۋدان الىنعان اقشالاي قاراجاتتى زاڭداستىرۋدى ۇيىمداستىرعان زاڭسىز كريپتوايىرباستاۋىشتار ارەكەتىنىڭ جولى كەسىلدى. بۇل رەتتە، الىنعان اقشانى زاڭداستىرۋ ءۇشىن كومەكشىلەر جاساعان 6 جىلجىمالى "ماينينگ فەرما" انىقتالدى. ەسىرتكى قۇرىلىمىنىڭ كومەكشىلەرى 2 جىلدا (2018 جىلعى قاڭتار مەن 2019 جىلعى جەلتوقسان ارالىعىندا) 2،5 ملرد تەڭگەدەن استام سومانى زاڭداستىرعان.

كورسەتىلگەن فاكتىلەر قازاقستان رەسپۋبليكاسى قىلمىستىق كودەكسىنىڭ 297-بابى 4-تارماعى، 264-بابى 2-تارماعى، 286-بابى 4-تارماعى جانە 218 بابى 3-تارماعى بويىنشا  تىركەلدى.