"اۋىل" حالىقتىق دەموكراتيالىق پاتريوتتار پارتياسى ءتوراعاسىنىڭ ءبىرىنشى ورىنباسارى تولەۋتاي راقىمبەكوۆ ءوز جاقتاستارىنىڭ جەر ماسەلەسىنە قاتىستى ۇستانىمىن جاريا ەتتى.
«ءبىزدىڭ بۇل ماسەلە بويىنشا كوزقاراسىمىز تۇراقتى. ونى ايتىپ تا ءجۇرمىز. قازاقستاننىڭ جەرى شەتەلدىكتەرگە جانە ازاماتتىعى جوق تۇلعالارعا ساتىلماۋى جانە جالعا بەرىلمەۋى كەرەك! وسى «ەل اماناتى» ساۋالناماسى باستالعان كەزدە ورتالىق كوممۋنيكاسيالىق قىزمەتىنە كەلىپ، ايتقانىم بار ەدى: جەردىڭ ءوزى بىزگە اتا-بابامىزدان امانات رەتىندە قالعان. جەردى اناعا تەڭەپ جاتامىز. ال سول جەردى ساتقان - انانى ساۋدالانعانمەن بىردەي. سوندىقتان جەردى ساتۋعا، جالعا بەرۋگە قارسىمىز»، - دەدى تولەۋتاي راقىمبەكوۆ وكق-دا وتكەن باسپا ءسوز ءماسليحاتىندا.
«اۋىل» حدپپ ءتوراعاسىنىڭ ءبىرىنشى ورىنباسارى «جەر ساتىلماسىن» دەگەن باپ زاڭدى اكتىلەرگە ەنگىزىلۋى كەرەكتىگىن ءمالىم ەتتى.
پىكىر قالدىرۋ