جۇڭگو مەن اقش اراسىنداعى شيەلەنىس كۇشەيىپ، ۆاشينگتون قۇرلىقارالىق بالليستيكالىق زىمىراندى اتىپ ءتۇسىردى. ماماندار امەريكانىڭ بۇل ارەكەتىن "بەيجىڭگە ناقتى ەسكەرتۋ" دەپ ءتۇسىندىردى. بۇل تۋرالى The Time Post باسىلىمى حابارلادى.
"قىتايدىڭ زىمىراندارى داۋلى وڭتۇستىك جۇڭگو تەڭىزىندەگى جىلجىمالى دۇكەنگە ءساتتى سوققى جاسادى" دەگەن اقپارات پايدا بولعاننان كەيىن سەيسەنبىدە اقش تىنىق مۇحيتىنىڭ ۇستىندە قۇرلىقارالىق بالليستيكالىق زىمىراندى اتىپ ءتۇسىردى.
اسكەري ساراپشىلار "ۆاشينگتون ەلىكتەمەلى سوعىس قارۋىن اتىپ ءتۇسىرۋ ارقىلى بەيجىڭگە ناقتى ەسكەرتۋ جىبەردى" دەپ مالىمدەدى.
ۆاشينگتون مەن بەيجىڭ اراسىنداعى قاتىناستار سوڭعى ايلاردا كوروناۆيرۋسقا بايلانىستى جانە وڭتۇستىك جۇڭگو تەڭىزىندەگى شيەلەنىستەن كەيىن ناشارلاي ءتۇستى. اقش قىتايدىڭ ايماقتاعى ۇستەمدىگىمەن كۇرەسۋ ءۇشىن ءوزىنىڭ اسكەري كۇشتەرىن كوبەيتتى.
ۆاشينگتون تايۆانمەن اسكەري بايلانىستارىن ارتتىرا باستاعان كەزدە، قىتايلىق اسكەري اقپارات كوزدەرى "بەيجىڭنىڭ تامىز ايىندا زىمىرانداردى ۇشىرۋى ولاردىڭ (اقش-تايۆان) قارىم-قاتىناسىنا ەسكەرتۋى بولدى" دەپ مالىمدەدى.
جۇڭگو پرەزيدەنتى سي سزينپين بەيجىڭ اسكەرلەرىنىڭ كورەيا سوعىسىنا كىرگەن كۇنىن ەسكە العاندا، جۇڭگو ارمياسىنىڭ "سوعىسقا دايىن" ەكەنىن جاريالاعان.
پىكىر قالدىرۋ