ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى 42 500 تەڭگەلىك الەۋمەتتىك تولەمگە بايلانىستى كەيبىر telegram-بوتتاردىڭ فەيك ەكەنىن حابارلادى.
ۆەدومستۆو مالىمەتىنشە، الەۋمەتتىك تولەمدەر تۋرالى اقپارات الۋ ءۇشىن ءوز ءجسن-ى مەن ءموبيلدى تەلەفون ءنومىرىن جىبەرۋدى ۇسىناتىن i42500enbekkz_Bot telegram-بوتى فەيك.
مينيسترلىك تەك رەسمي دەرەكوزدەردەگى اقپاراتقا سەنۋدى سۇرادى.
"ەڭبەك جانە حالىقتى الەۋمەتتىك قورعاۋ مينيسترلىگى وسى سىندى telegram-بوتتاردى ىسكە قوسقان جوق. ەڭبەك مينيسترلىگىنىڭ قىزمەتكەرلەرى ازاماتتاردان جەكە دەرەگىن سۇراتپايدى. ازاماتتاردان فەيكتەرگە نازار اۋدارماۋدى جانە تەك رەسمي دەرەككوزدەردەگى اقپاراتتى پايدالانۋدى سۇرايمىز. ەسكە سالا كەتەيىك، جالعان اقپارات تاراتۋ زاڭمەن قۋدالانادى" دەلىنگەن حابارلامادا.
