Expert Public Space پلاتفورماسىندا ونلاين رەجيمدە "نەسيە امنيستياسى: ءبىر رەتتىك اكسيا ما، الدە الەۋمەتتىك قولداۋ قۇرالى ما" تاقىرىبىندا تالقى ءوتتى. تاقىرىپتى تاڭداۋعا كرەديتتەر بويىنشا تولەمدى كەيىنگە قالدىرۋ مەرزىمىنىڭ اياقتالۋى مەن كوروناۆيرۋسقا بايلانىستى جۇمىسسىزدىق ارتىپ، تۇرعىندار تابىسىنىڭ تومەندەۋى فاكتورلارى تۇرتكى بولعان، دەپ جازادى forbes.kz.
ديسكۋسسيا مودەراتورى رۋستەم سابدانالييەۆ 2019 جىلعى پرەزيدەنت سايلاۋىنان كەيىن نەسيە امنيستياسى جاسالعانىن ەسكە سالىپ، الدا كەلە جاتقان پارلامەنت سايلاۋى قارساڭىندا "امنيستيي 2.0" اكسياسىنىڭ جاسالۋ ىقتيمالدىعى تۋرالى سۇرادى.
بۇل سۇراققا جاۋاپ بەرگەن ەكونوميست دانيار مولدوقانوۆ 2019 جىلعى ءىى توقساندا مەرزىمى وتكەن نەسيە مولشەرى بارلىق كرەديتتەردىڭ 6،42 پايىزىن قۇراعانىن، كرەديتتى كەشىرۋ اكسياسىنان كەيىن 5،5 پايىزعا تۇسكەنىن اتاپ ءوتتى.
– بۇل 1 پايىزدان ءسال اساتىن تومەندەتۋ قازاقستاندىقتارعا 120 ملرد تەڭگەگە ءتۇستى. 500 مىڭ ادام قامتىلدى، – دەگەن ول كرەديت امنيستياسىن جاساۋعا نەگىز بار ەكەنىن، ءبىراق بانكتەر قيىن جاعدايعا تاپ بولمايتىنداي، تۇرعىنداردىڭ بەرەشەك بويىنشا جۇكتەمەسىن جەڭىلدەتەتىندەي جاساۋ كەرەكتىگىن العا تارتتى.
ەكونوميست ايدارحان قۇساينوۆ كرەديتتى كەشىرۋ "زيانى كوپ ارەكەت" ەكەنىن ايتتى.
پىكىر قالدىرۋ