تاۋلى قاراباقتا قازا تاپقانداردى ىزدەۋ كەزىندە مينا جارىلىپ، سالدارىنان ءازىربايجاننىڭ ءبىر وفيسەرى مەرت بولىپ، رەسەيلىك وفيسەر جاراقات الدى، دەپ حابارلادى رەسەي فەدەراسياسىنىڭ قورعانىس مينيسترلىگى.
جارىلىس سالدارىنان تاۋلى قاراباق رەسپۋبليكاسىنىڭ توتەنشە جاعداي مينيسترلىگىنىڭ ءتورت وكىلى جاراقات العان. ۆەدومستۆونىڭ مالىمەتىنشە، وقيعا 23 قاراشادا تەرتەر اۋدانىندا بولعان.
"ماداگيز ەلدى مەكەنىنىڭ اۋماعىندا جۇمىس كەزىندە مينا جارىلدى. ناتيجەسىندە رەسەي بىتىمگەرشىلىك كۇشتەرىنىڭ وفيسەرى جاراقات الدى. ءازىربايجاننىڭ ءبىر وفيسەرى قازا تاپتى. تاۋلى قاراباقتىڭ تاعى ءتورت قىزمەتكەرى ءتۇرلى دارەجەدەگى جاراقات الدى. رەسەيلىك اسكەري قىزمەتشى باكۋ قالاسىنداعى اۋرۋحاناعا جەتكىزىلدى، وندا وعان قاجەتتى مەديسينالىق كومەك كورسەتىلەدى. ومىرىنە ءقاۋىپ ءتونىپ تۇرعان جوق" دەلىنگەن قورعانىس مينيسترلىگى تاراتقان حابارلامادا.
پىكىر قالدىرۋ