قازىرگى كەزدە جيناقتاۋشى زەينەتاقى قورىنىڭ جاي-كۇيى تۋرالى اقپارات الۋدىڭ ەڭ تانىمال ءتاسىلى – ينتەرنەت بايلانىسى. ونى 6،6 ملن-نان استام جزش يەلەرى تاڭدادى. بۇل رەتتە سالىمشىلار مەن الۋشىلار 5 762 454 شوتتىڭ جاي-كۇيى تۋرالى enpf.kz سايتىنداعى جەكە كابينەت نەمەسە ENPF ۇيالى قوسىمشاسى ارقىلى قالاعان ۋاقىتىندا، الەمنىڭ كەز كەلگەن تۇكپىرىنەن بىلە الادى. وسىنداي حابارلاۋ ءتاسىلىن تاڭداعاندار سانى ءبىر جىلدا 225 125 ادامعا (4%) ارتتى.

بجزق-عا بەرىلگەن ەلەكتروندىق پوشتا مەكەنجايىنا جىبەرىلەتىن ءۇزىندى كوشىرمەنى 853 954 ادام الادى. ول شوت يەسىنە ءوزى تاڭداعان كەستە بويىنشا اي سايىن، توقسان سايىن، جارتى جىلدا ءبىر رەت نەمەسە جىل سايىن كەلىپ تۇرادى.   

ءۇزىندى كوشىرمەنى ءداستۇرلى پوشتا ارقىلى الۋ ءتاسىلىن ءالى كۇنگە دەيىن 1 297 726 ادام قولدانادى. الايدا پوشتا بايلانىسىن اقپارات الۋ ءتاسىلى رەتىندە 2 939 233 سالىمشى مەن الۋشى تاڭداعان 5 جىل بۇرىنعى، ياعني 2015 جىلدىڭ كورسەتكىشىمەن سالىستىرعاندا ول 44 % ازايعان. اقپارات الۋدىڭ بۇل تۇرىنە دەگەن قاجەتتىلىكتىڭ ەداۋىر تومەندەگىنىن وسىدان-اق كورۋگە بولادى.  

"بجزق" اق ەگەر سالىمشى (نەمەسە الۋشى) جزش-دان ۇزىندى-كوشىرمەنى جىلىنا ءبىر رەت ءداستۇرلى پوشتا ارقىلى الۋدى قالاپ، ءبىراق تۇرعىلىقتى مەكەنجايىن وزگەرتكەن بولسا، وندا ول جايىندا قورعا حابارلاۋى ءتيىس ەكەنىن مالىمدەيدى.

"قازاقستان رەسپۋبليكاسىندا زەينەتاقىمەن قامسىزداندىرۋ تۋرالى" ق ر زاڭىندا الگىندەي تالاپتى مەكەنجايى وزگەرگەننەن كەيىن 10 كۇن ىشىندە ورىنداۋى قاجەت دەپ كورسەتىلگەن.

بۇلاي بولماعان جاعدايدا پوشتا وپەراتورى زەينەتاقى شوتىنان ءۇزىندى كوشىرمەنى ادرەساتقا جەتكىزە الماي، ول قورعا قايتىپ ورالادى. سوندىقتان بجزق كەلەسى جىلدان باستاپ حابارلاۋ مارتەبەسى "انىقتالماعان" دەپ بەلگىلەنەتىن  سالىمشىعا (الۋشىعا) ءۇزىندى كوشىرمەنى جىبەرمەيدى. قاراشا ايىنىڭ باسىندا مۇنداي سالىمشىلاردىڭ سانى زەينەتاقى جارنالارىنىڭ بارلىق تۇرلەرى بويىنشا شوتتاردىڭ جالپى سانىنىڭ 1 ملن-نان استامىن نەمەسە 8،8%  قۇرادى.

قور كەڭسەلەرىنە "ءوزى كەلگەن كەزدە" اقپارات بەرۋ ءتاسىلى 3 029 417 ادامدا ايقىندالعان. ال وتكەن جىلى بۇل كورسەتكىش 1 938 547 ءوتىنىشتى قۇرادى. ءوسىم – 56،3%. الايدا بۇل ستاتيستيكانى كوبىنەسە جاڭادان اشىلعان شوت يەلەرىنىڭ تولىقتىرعانىن ەسكەرگەن ءجون.

وسىعان بايلانىستى بجزق زەينەتاقى جۇيەسىنە جاڭادان كەلگەندەرگە 2019 جىلدان باستاپ مىندەتتى زەينەتاقى جارنالارى بويىنشا جزش اشۋ ءۇشىن شارت جاساۋدىڭ قاجەتى جوق ەكەنىن ەسكەرتەدى.

ءبىرىنشى جارنا تۇسكەن كەزدە شوت اۆتوماتتى تۇردە اشىلادى. جەكە تۇلعانى سايكەستەندىرۋ مىندەتتى زەينەتاقى جارنالارىن اۋدارۋ كەزىندە تولەم تاپسىرماسىنىڭ ەلەكتروندىق فورماتىندا كورسەتىلگەن دەربەس دەرەكتەر (ءتاا، جسن، تۋعان كۇنى) بويىنشا جۇزەگە اسىرىلادى. ال جەكە تۇلعانىڭ جەكە باسىن كۋالاندىراتىن قولدانىستاعى قۇجاتتىڭ دەرەكتەمەلەرى، تۇراقتى تۇراتىن جەرى تۋرالى بارلىق قاجەتتى مالىمەتتەردى بجزق مەملەكەتتىك ورگانداردىڭ اقپاراتتىق جۇيەلەرىنەن الادى.

مۇنداي شوتتى اشۋ كەزىندە حابارلاۋ ءتاسىلى اۆتوماتتى تۇردە "ءوز كەلىپ، ءوتىنىش بىلدىرگەن" بولىپ ايقىندالادى. ياعني، جزش-سى جاقىندا اشىلعان بارلىق سالىمشىلارعا بجزق كەڭسەسىنە جەكە باسىن كۋالاندىراتىن قۇجاتپەن كەلىپ، قاجەتتى حابارلاۋ ءتاسىلىن تاڭداۋ ۇسىنىلادى. سونداي-اق، مۇنى ەلەكتروندىق سيفرلىق قولتاڭبا بولعان جاعدايدا enpf.kz سايتى ارقىلى قاشىقتىقتان جاساۋعا بولادى.

بجزق  جەكە زەينەتاقى شوتىن كەز-كەلگەن ىڭعايلى تاسىلمەن ۇنەمى قاداعالاپ وتىرۋ قاجەتتىلىگىن ەسكەرتەدى.