2020 جىلعى 23 قاراشادا انگليانىڭ جوعارى سوتى قازاقستان رەسپۋبليكاسىنا قارسى «World Wide Minerals» كانادالىق كومپانيانىڭ جانە پول ا. كەروللدىڭ تالابى بويىنشا شىعارىلعان تورەلىك شەشىمنىڭ (سونىڭ ىشىندە زالال، پايىزدار جانە سوما بويىنشا) كۇشىن جويدى، دەپ حابارلايدى Qamshy.kz اقپارات اگەنتتىگى ق ر ادىلەت مينيسترلىگىنىڭ باسپا ءسوز قىزمەتىنە سىلتەمە جاساپ. 

2019 جىلدىڭ 29 قازانىندا سوت ارىزدا كورسەتىلگەن سومادان (1،9 ملرد اقش دوللارى) 1%-دان كەم مولشەردە تالاپكەرلەرگە وتەماقى تولەۋ تۋرالى شەشىم شىعاردى.

قازاقستان رەسپۋبليكاسى 2019 جىلدىڭ قاراشا ايىندا 1996 جىلعى تورەلىك زاڭنىڭ 68-بابىنىڭ تارتىبىمەن  انگليانىڭ جوعارى سوتىنا ءوتىنىش بەردى.

انگليانىڭ جوعارى سوتى 2020 جىلعى 23 قاراشادا قازاقستاندىق تاراپتىڭ دالەلدەرىمەن كەلىسە وتىرىپ، تالاپكەرلەرگە ۇيعارىلعان تالاپ سوماسى مەن شىعىندارعا قاتىستى شەشىمنىڭ كۇشىن جويىپ، ونى قايتا قاراۋعا جىبەردى.

سوت «World Wide Minerals Ltd» جانە پ. كاررولدان قر-نىڭ پايداسىنا 350 000 اقش دوللارى كولەمىندە سوت شىعىندارىن ءوندىرىپ الۋ تۋرالى شەشىم شىعاردى. انگليانىڭ جوعارى سوتى 1996 جىلعى تورەلىك زاڭىنىڭ 68-بابىنىڭ تارتىبىندە شاعىمدانۋ پروسەسىنە بايلانىستى قازاقستان رەسپۋبليكاسىنا بەرىلەتىن وزگە دە شىعىنداردىڭ سوماسىن قوسىمشا باعالايدى.

وسى داۋدا قازاقستان رەسپۋبليكاسىنىڭ مۇددەلەرىن ادىلەت مينيسترلىگى، «Reed Smith LLP» حالىقارالىق  زاڭ فيرماسى، «Essex Court Chambers» ادۆوكاتتىق پالاتادان دجو سموۋا كورولدىك ادۆوكاتى، لوندون ق. «3 Verulam Buildings» ادۆوكاتتىق پالاتىنىڭ مۇشەلەرى كريستوفەر حاريس كورولدىك ادۆوكاتى جانە پول ۆي ادۆوكاتىمەن بىرلەسىپ جۇمىس ىستەدى.

«Essex Court Chambers» جانە «3 Verulam Buildings» وكىلدەرى ءبىرقاتار تورەلىك تالاپتار بويىنشا قازاقستان رەسپۋبليكاسىنىڭ مۇددەلەرىن ءساتتى قورعانىن اتاپ ءوتۋ قاجەت.