20 قاراشا كۇنى سارا نازاربايەۆانىڭ قاتىسۋىمەن "ءوزىن-وزى تانۋ: بالا الدىنداعى ميسسيا" حالىقارالىق فورۋمى ءوتتى. 

كونفەرەنسيا پاندەمياعا بايلانىستى ۆيدەوبايلانىس تۇرىندە وتكەن. 

– ادامنىڭ قۇندىلىعى نەدە؟ "زيانىڭدى تيگىزبە". الداما. ار-ۇياتىڭا قارسى جۇرمە. ادامگەرشىلىك. ادام بول. ادام بولىڭىزدار. سىزدەر ادام بولۋعا مىندەتتىسىزدەر. ءبىز بولماشى نارسەنىڭ سوڭىنان قۋىپ كەتەمىز. سەن ءوزىڭنىڭ كىم ەكەنىڭدى، نەنى قالايتىنىڭدى بىلمەي تۇرىپ، ول نارسەنى ۇستاي المايسىڭ. نامىستى بولىپ ءومىر ءسۇرۋ كەرەك. ءبىر-بىرىڭدى سىيلاپ، قۇرمەتتەۋ كەرەك. اقىلمەن، ەڭبەكپەن جۇمىس ىستەۋ كەرەك. ەشتەڭە ساتىپ الۋدىڭ نە ساتۋدىڭ كەرەگى جوق. بۇل قابىل بولمايدى، دۇرىس بولمايدى. كەرىسىنشە، ادامدارعا ۋايىم اكەلەدى. بولمايدى، – دەدى سارا نازاربايەۆا.

ونىڭ ايتۋىنشا، تاربيەشىلەر مەن مۇعالىمدەر بالاعا تەك كلاسسيكالىق ءبىلىم بەرىپ قانا قويماي، رۋحاني ءبىلىمدى دە قاتار بەرۋى كەرەك.

– مەن سىزگە شىن جۇرەكتەن ايتامىن. ماعان ءبارى بۋمەرانگ بولىپ اشىلعانىن كوردىم. ءقازىر بارلىعىنىڭ جۇرەگى اشىق. ءبىز ەنەرگيا الماسامىز، ءسىز ماعان، مەن سىزگە. بۇل كەزدە ەشقايسىڭىزدىڭ باسىڭىزدا جاعىمسىز ويلار بولمايدى. ءبىز ءقازىر بىر-بىرىمىزگە قۇرمەت، ءبىلىم، سۇيىسپەنشىلىك كورسەتۋدەمىز. سىزدەر – مۇعالىمسىزدەر، سىزدەردە وتە مول جاۋاپكەرشىلىك بار! سىزدەر ءبىر-بىرىڭىزدى دالەلدەپ، بىرىكتىرىپ، كومەكتەسۋلەرىڭىز كەرەك. ءبىزدىڭ ماقساتىمىز – بالانى دۇرىس تاربيەلەۋ. بالا بالاباقشاعا كەلگەندە، تاربيەشى كىشكەنتاي پەرىشتەنى قامقورلىقپەن جانە سۇيىسپەنشىلىكپەن باۋرايدى. مەكتەپكە بارعاندا، مۇعالىمدەر قارسى الادى. جوعارى وقۋ ورنىنا بارعاندا، ءسىز وعان ادامي قۇندىلىقتاردى ۇيرەتۋىڭىز كەرەك. ءوزىڭىزدى وزگەرتۋدى باستاڭىز، قاتەلىكتەرىڭىزبەن جۇمىس جاساڭىز. ءسىز جاقسىلىق جاساۋىڭىز كەرەك. جاقسىلىقتى ۇيرەتىپ، ونى باسقالارعا بەرۋىڭىز كەرەك. ءوزىمىز ءۇشىن، ءوزىمىزدىڭ جانىمىز ءۇشىن. مەن مۇعالىمدىكتەن، قاراپايىمنان باستادىم. ءسىز ءبىلىم بەرەسىز، ەڭ باستىسى – رۋحاني ءبىلىم بەرۋىڭىز كەرەك. كلاسسيكالىق ءبىلىم مەن رۋحاني ءبىلىم بولەك ەمەس، ءبىر باعىتتا بىرگە ءجۇرۋى كەرەك،  – دەدى ول.

فورۋم بارىسىندا سارا الپىس قىزى "اينالايىن" ءانىن اسپاپتىڭ سۇيەمەلدەۋىنسىز شىرقادى. 

– اللانىڭ بارىڭىزگە نۇرى جاۋسىن! اللا بارىمىزگە جار بولسىن! اللا بارىمىزگە پانا بولسىن! ءاۋمين! – دەپ تىلەك تىلەپ فورۋمدى اياقتادى سارا الپىس قىزى.