ساعىنتايەۆ زاڭسىز اعاش كەسۋ وقيعاسىنا بايلانىستى مالىمدەمە جاسادى

/image/2020/11/24/crop-7_6_396x705_a86050c7ee15932e5b9537467b18b471-small.jpg
الماتى قالاسىنىڭ اكىمى باقىتجان ساعىنتايەۆ Sulpak ساۋدا ءۇيىنىڭ الدىنداعى اعاشتاردى وتاۋ وقيعاسىنا بايلانىستى پىكىر ءبىلدىردى.
 
"23 قاراشاعا قاراعان ءتۇنى "Sulpak" ءسۇ جانىندا زاڭسىز 13 اعاش كەسىلدى. بۇل ورەسكەل وقيعا پرەزيدەنت پەن قوعامنىڭ نارازىلىعىن تۋدىردى. قالا اكىمدىگى اعاش كەسۋگە رۇقسات بەرگەن جوق. قورشاعان ورتاعا كەلتىرىلگەن زاقىمنىڭ مولشەرى ەسەپتەلەدى.
 
مامانداندىرىلعان تابيعاتتى قورعاۋ پروكۋراتۋراسى زاڭسىز اعاش كەسكەنى ءۇشىن ق ر قك 340-بابى بويىنشا سوتقا دەيىنگى تەرگەۋ ءىسىن باستادى. ءىس المالى اۋدانىنا قاراستى پب-نىڭ قاراۋىنا بەرىلدى. الماتى پد باستىعى ق.تايمەردەنوۆكە ءىستى تولىعىمەن قاراپ، ونىڭ وبەكتيۆتىلىگىن قامتاماسىز ەتىپ، كىنالىلەردى انىقتاپ، جاۋاپكەرشىلىككە تارتۋ تاپسىرىلدى.
 
قازىرگى ۋاقىتتا ساۋدا ءۇيىنىڭ جانىنداعى اۋماقتى "Arena S" جشس-عا قاراستى (Sulpak) جك "ساكۋرا" مەن "بۋريبەكوۆا" مەردىگەرلەرىنىڭ اباتتاندىرعانى انىقتالدى. "ساكۋرا" جك-نىڭ باسشىسى ق ر اقبتك 437 بابى بويىنشا تۇنگى ۋاقىتتا ازاماتتاردىڭ تىنىشتىعىن بۇزعانى ءۇشىن اكىمشىلىك جاۋاپكەرشىلىككە تارتىلدى.
 
ءىستىڭ بارىسى تۋرالى جۇرتشىلىقتى حاباردار ەتىپ وتىرامىز. بۇل ماسەلە مەنىڭ جەكە باقىلاۋىمدا" دەپ جازدى ساعىنتايەۆ facebook پاراقشاسىندا.
قاتىستى تەگتەر :

پىكىر قالدىرۋ

قاتىستى ماقالالار