"Nur Otan" پارتياسىنىڭ ءتوراعاسى نۇرسۇلتان نازاربايەۆ "Nur Otan" پارتياسىنىڭ ساياسي كەڭەسى بيۋروسىنىڭ وتىرىسىنا قاتىستى دەپ حابارلادى elbasy.kz سايتى.

جيىندا نازاربايەۆ سوڭعى بەس جىل ىشىندە پارتيا ءوزىنىڭ سايلاۋ الدىندا بەرگەن ۋادەلەرىنىڭ باسىم بولىگىن ورىنداعانىن اتاپ ءوتتى.

– فراكسيا وتىرىسىندا "Nur Otan" پارتياسىنىڭ "قازاقستان-2021: بىرلىك. تۇراقتىلىق. جاسامپازدىق" اتتى سايلاۋالدى باعدارلاماسىنىڭ ورىندالۋى تۋرالى ۇكىمەتتىڭ ەسەبى تىڭدالدى. پاندەمياعا جانە سوعان بايلانىستى الەمدىك ەكونوميكانىڭ 4،4 پروسەنتكە، كەيبىر دامىعان ەلدەردە 10 پروسەنتكە قۇلدىراعانىنا قاراماستان، ءبىز ءتيىمدى جۇمىستىڭ جانە ۇلتتىق قور قاراجاتىنىڭ ارقاسىندا مۇنداي كۇردەلى جاعدايلاردى اينالىپ وتە بىلدىك، – دەدى نۇرسۇلتان نازاربايەۆ.