بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى لي چجانشۋ قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ حالىقارالىق دەڭگەيدەگى بەدەلى تۋرالى ءسوز قوزعادى، دەپ حابارلادى ءماجىلىستىڭ باسپا ءسوز قىزمەتى.
– تۇڭعىش پرەزيدەنت نازاربايەۆ – حالىقارالىق قوعامداستىقتاعى بەدەلدى ساياساتكەر بولۋمەن قاتار، جۇڭگو حالقىنىڭ تىلەۋلەس دوسى رەتىندە ۇزاق ۋاقىتتان بەرى قىتايلىق-قازاقستاندىق تاتۋ كورشىلىك جانە دوستىق ىنتىماقتاستىقتى نىعايتىپ، قىتايدا جوعارى بەدەلگە يە بولىپ كەلەدى، – دەدى جۇڭگو پارلامەنتىنىڭ cپيكەرى.
لي چجانشۋ قوس ەل اراسىنداعى پارلامەنتارالىق ءوزارا ءىس-قيمىل دەڭگەيىن جوعارى باعالاپ، ونىڭ ەكى ەل حالقىنا دا ءتيىمدى ەكەنىنە توقتالدى. سونىمەن قاتار، تۇراقتى كوميتەتتىڭ ءتوراعاسى قحر بۇكىلقىتايلىق حالىق وكىلدەرى جينالىسىنىڭ جۇڭگو مەن قازاقستان اراسىنداعى ستراتەگيالىق ارىپتەستىك جان-جاقتى دامىتۋ ماقساتىندا ق ر پارلامەنتى ماجىلىسىمەن ىنتىماقتاستىقتى تەرەڭدەتۋگە دايىن ەكەنىن جەتكىزدى.
پىكىر قالدىرۋ