ەلباسى نۇرسۇلتان نازاربايەۆ "قازاق" دەگەن ۇلتتى الەمگە تانىتىپ، قازاقستان دەگەن ەلدى دۇنيە تورىنە وزدىرعان. بۇل تۋرالى اقپارات جانە قوعامدىق دامۋ ءمينيسترى ايدا بالايەۆا "ق ر تۇڭعىش پرەزيدەنتى: جاسامپازدىق پەن ۇدەمەلى دامۋدىڭ 30 جىلى" اتتى حالىقارالىق جيىنىندا ايتتى.
– الدا كەلە جاتقان تۇڭعىش پرەزيدەنت كۇنى مەرەكەسىمەن قۇتتىقتايمىن. بۇل مەيرام – ءجاي مەرەكە ەمەس. ەڭ الدىمەن، ەلدىگىمىز بەن مەملەكەتتىگىمىزدىڭ سيمۆولى، 30 جىلدىق تۇراقتىلىق پەن بەيبىتشىلىكتىڭ بىرەگەي كەپىلىنە اينالعان ايشىقتى كۇنى. ويكەنى تاۋەلسىزدىگىمىزدىڭ نەگىزىن قالاپ، ەگەمەندىگىمىزدى بەكىتكەن ەلمىزدىڭ تۇڭعىش پرەزيدەنتى – ەلباسى نۇرسۇلتان ءابىش ۇلىنىڭ تاريحي تۇلعاسى مەن ساياسي قايراتكەرلىگى قاشان دا زور قۇرمەتكە يە، – دەدى مينيستر.
ول ءوز سوزىندە نازاربايەۆ "قازاق" دەگەن ۇلتتى الەمگە تانىتقانىن اتاپ ايتتى.
– بۇل مەرەكە ەلباسىنا دەگەن حالىقتىڭ جوعارى ءىلتيپاتىن، ەلدىڭ ىستىق ىقىلاسىنىڭ كورىنىسى دەپ بىلەمىن. راسىندا دا قازاق دەگەن ۇلتتى الەمگە تانىتىپ، قازاقستان دەگەن ەلدى دۇنيە تورىنە وزدىرعان ەلباسىنىڭ وسى پاراساتتى ەڭبەگى، ساليقالى ساياساتى. سودان بولار، بۇل مەرەكە ءبىر تۇلعا ەمەس، تۇتاس ۇلتتىڭ، تاۋەلسىز جۇرتتىڭ ورتاق قۋانىشى دەپ نىق سەنىممەن ايتا الامىز، – دەدى بالايەۆا.
پىكىر قالدىرۋ