قازاقستاننىڭ دەنساۋلىق ساقتاۋ ءمينيسترى الەكسەي سوي ەلدە جەلتوقسان-قاڭتار ايلارىندا قاتاڭ كارانتين ەنگىزىلۋى جاعدايعا بايلانىستى ەكەنىن ايتتى.

– اپتا سايىن مالىمەتتەردى زەرتتەپ، الداعى كەزەڭدەرگە دە بولجام جاساپ جاتىرمىز. ءقازىر كورىپ وتىرعانىمىزداي، قازاقستاندا كارانتين شارالارىن جەلتوقسان نەمەسە قاڭتار ايلارىندا ەنگىزۋ ماسەلەسى جاعدايدى قانشالىقتى باقىلاۋدا ۇستاي الاتىنىمىزعا بايلانىستى بولادى، – دەيدى ول.

مينيستر ءقازىر كوروناۆيرۋس ورشىگەن كەيبىر وڭىردە جۇقتىرۋ دەڭگەيى تومەندەپ كەلە جاتقانىن اتاپ ءوتتى.

– شىعىس قازاقستاندا ماسەلەن جاعداي رەتتەلىپ، جۇقتىرۋ دەڭگەيىنىڭ تومەندەۋ تەندەنسياسىن باقىلاۋدامىز. ەڭ باستىسى – جاعدايدى باقىلاۋدا ۇستاۋ. ءقازىر ينفەكسيالىق اۋرۋحانالار 22 پايىزعا، جانساقتاۋ توسەكتەرى 17 پايىزعا جۇكتەلگەن. ياعني، رەزەرۆ بار. سوندىقتان ءقازىر ۋايىمداۋدىڭ قاجەتى جوق. ءبارى باقىلاۋدا، – دەپ ايتتى الەكسەي سوي.